Page 13 - Binder1

E clientenan c uta custuma cu BBO ta custuma cu e fechanan aki,. Nan sa cu dia 15 di tur luna ta e fecha final pa
haci e declaracionnan mensual aki, solamente si dia 15 ta cay un fecha den fin di siman, e ora e ultimo fecha pa haci
pago y declaracion ta bira e siguiente dia di trabao.

Romano a sigui splica cu e ley aki a drenta na vigor dia 1 di december. Esey ta nifica cu cada comerciante c uta haci
actividad comercial c uta cay dentro di loke ta yama un Belasting Omzet, lo mester paga e BBO y e den e caso aki
BAZV tambe, na departamento di impuesto awo durante luna di januari., Si e comerciante no a tene cuenta cu
BAZV den su prijs na luna di december, ta algo c uta core pa su cuenta. Tin cu sigui y ehecuta e ley manera e ta. El
a drenta na vigor entrante december y e comerciante lo mester haci pago di BAZV riba su benta di december, den
luna di januari 2015. Esey ta pa e comerciante cu no a tene cuenta cu e BAZV den su prijs. Tin cu agrega pa loke ta
trata prijs di un producto of servicio, Romano a splica cu e comerciante ta esun c uta dicidi con e kier fiha su prijs.
Na momento cu bin un gasto extra y BAZV pe, lo nifica un gasto extra, e comerciante ta dicidi si e ta bay adapta su
prijs. Na momento cu bin un gasto extra, e comerciante por dicidi si e ta baha of e ta hisa su prijs of e ta lag’e mesun
cos. Su decision ta basa riba diferente cos. Decision ta basa riba e gastonan cu e tin cu su producto, e ta basa riba e
ganashi cu e kier logra cu benta di su producto, pero e por basa su decision tambe riba e competencia cu e tin riba
mercado. Un comerciante ta husga diferente factor. A base di diferente factor e ta yega na un prijs pa su producto.
Den esey departamento di impuesto no tin nada di bisa. Ta su decision con e ta fiha e prijs.

Awor aki, for di punto di bista di e comerciante y e relacion di departamento di impuesto ta cu e comerciante, pa
loke ta trata e ley di BAZV. E comerciante ta dicidi, mesun cos cu BBO, si e ta hinca e gasto di e belastingnan aki
den e prijs, esey lo nifica cu e prijs di su producto lo hisa, pero e comerciante por dicidi tambe cu e ta carga e
belasting su mes. E no ta bay calcula den su prijs y di e forma cu e ta laga su prijs manera e tabata, Romano a
comenta.

http://masnoticia.com/clinica-valenciano-ta-logra-cura-diabetes-cu-un-operacion/

Clinica Valenciano ta logra cura diabetes cu un operacion