Page 15 - Binder1

Minvos
http://masnoticia.com/e-siman-aki-lo-ta-siman-di-paga-bbo-y-health-tax/

E siman aki lo ta siman di paga BBO y Health Tax

 Jan 12th, 2015
 Local

Te cu dia 15 di januari servicio di impuesto ta den espera di e pagonan di e BBO y Health Tax cu mester ser paga
prome cu 15 di januari pa cual Departamento di Impuesto ta sinta ta warda pa tur hende cumpli cu esaki segun
Mervely Romano vocero di SIAD ta splica.
BAZV ya tan a vigor, desde 5 pa dia 15 di januari lo ricibi declaracionnan di BBO cu lo bay contene informacion
tambe di BAZV. Manera cu SIA a informa caba na clientenan na december ultimo, e ta asina cu debi cu e ley di
BAZV a pasa na final di november y el a drenta na vigor entrante dia 1 di december y na e momentonan ey a caba di
otorga e paketenan di BBO, SIA ta informa su clientenan cu pa motibonan practico ta pidi pa nan uza e formulario
di declaracion di BBO pa nan por haci e declaracion di BAZV tambe riba e mesun formulario, Romano a bisa.
E ta sigui bisa cu esey ta nifica cu e clientenan c uta bay haci declaracion di BBO nan ta yena riba dje e cifra of e
suma di omzet pa loke ta trata BBO (BelastingOmzet). Normalmente nan lo a coy 1.5% di e cifra ey y calcula e
belasting. E biaha aki debi cu a bisa e clientenan cu nan por uza e mesun formulario di BBO, e clientenan ta keda
yena e suma di Belasting Omzet riba e declaracion, pero enbes di coy 1.5%, nan ta calcula 2.5% di e omzet eynan y
e suma cu ta resulta, esey ta e suma tambe cu nan ta declara y despues nan tin cu page. Na e momentonan aki SIA ta
ricibiendo caba e declaracion di BBO c uta contene informacion di BAZV y pa dia 15 di januari, lo bira e ultimo dia
pa haci e declaracion.