Page 16 - Binder1

Un clinica Valenciano a confia cu nan a logra un 95% di exito den e cura di diabetes tipo 2, cu un operacion di
bypass gastrico.

E ekipo di ciruhano bariatrico y metabolico y responsabel di e clinica Obesitas, Jose Vicente Ferrer, a confirma cu
nan a consolida un porcentahe di exito entre 80 y 85% den e tratamento di diabetes tipo 2, permitiendo incluso evita
e uzo di insulina, danki na un operacion di bypass gastrico. E clinica Valenciano a splica den e comunicado cu, di e
manera aki, “lo mehora e calidad di bida di e pashent, aportando un mayor sensacion di salud y limitando e uzo di
insulina.” Ta trata di un intervencion specialmente indica pa pashentnan di diabetes tipo 2, cu ta permiti e pashent
suprimi e uzo di insulina, semper cu diabetes no tin mas di dies aña y e reserva pancreatico ta suficiente.

Pa e ultimo aspecto aki, ta necesario realisa un estudio detaya, y incluso un “test real” cu ta permiti conoce
aproximadamente cua ta e reserva pancreatico y con e pancreas lo responde na e operacion. Den e contexto aki, e
posibilidad di por laga insulina ta di 80% di caso, mientras cu e posibilidad di reduci notablemente e unidadnan na
administra 95%. Obesitas a destaca, entre e principal bentahanan di e cirugia metabolico, “e detencion di e proceso
di enbehecimento acelera na nivel micro y macro vascular cu ta ocasiona diabetes” y, por tanto, “tur su posibel
complicacionnan futuro.”

E bypass tipo sadis ta consisti den realisa un stoma chikito y un bypass of derivacion di e duodeno y di ileon. E
tecnica ta sigui cu e alimento no ta pasa via e duodeno y e prome parti di e tripa chikito, loke ta permiti e pashent
perde e peso di mas.

Mayoria di e pashentnan interveni a logra bandona e clinica despues di 48 ora di e operacion, no tin mester di spuit
insulina despues di e operacion, y sin a perde peso ainda, di forma relevante, loke ta garantisa su exito como
intervencion pa diabetes. E operacion di cirugia metabolico aki ta pa pashentnan cu ta sufri di diabetes, di aparicion
den edad adulto y asocia na un exceso di peso di mas di 20 kilo, comunmente conoci como diabesidad.

Fuente: Biblioteca Medica

http://www.awe24.com/20150111/20521/Varios_persona_cu_a_come_chicken_cutsmall_na_un_resta
urant_na_Santa_Cruz_a_ser

Varios persona cu a come chicken cutsmall na un
restaurant na Santa Cruz a ser hiba hospital pa
observacion