Page 11 - AM210220
P. 11
Diasabra, 20 Februari 2021 AWEMainta 11
Renaissance Aruba Resort & Casino cu reconocimento special
RECIENTEMENTE a tuma lugar un reconocimento
special na Jerome Marcel Tromp, cariñosamente yama
Marcel, pa su tremendo labor y dedicacion pa mas cu 30
aña na Renaissance Aruba y su aporte na turismo y sec-
tor hotelero.
Marcel a cuminsa traha na Renaissance Aruba na aña
1990 como Steward den main kitchen, despues di un aña
a wordo promovi pa Assistant Executive Steward,
Na aña 1995 Marcel bolbe wordo promovi pa Steward
Suprervisor y desde aña 2005 ta ocupando e posicion di
Chief Steward manehando asina ful e departamento di
Stewarding.
Di acuerdo cu sr. Paul Gielen, General Manager di Re-
naissance Aruba; “Marcel ta un bibo ehempel di e signifi-
cacion di un ‘backbone’ di compania. Un miembro di ekipo
cu semper a sa di yuda y coopera sin importa e horario pa
traha. Sigur un strea y ehempel pa locual ta trata ‘back
of the house’.
Di acuerdo cu e plan di reconocimento laboral di Gobi-
erno bao maneho di Minister di Asunto Social y Labor,
Glenbert Croes, a otorga un plakaat tambe den nomber
di Gobierno na Marcel su esfuerzo y labor riba e tereno di
tursimo.
Di acuerdo cu Minister Glenbert Coes; “E ta un orguyo pa
wak un ciudadano di pais Aruba dedica asina hopi aña na
nos pilar di economia. Marcel ta un ehempel pa tur traha-
dor den turismo y e sector hotelero”.
Gerencia di Renaissance Aruba ta orguyoso cu e reconoci-
mento aki na Marcel como tambe agradecido na Gobierno
pa por reconoce un di nan miembro di ekipo pa su dedi-
cacion y lealtad na Renaissance Aruba pa mas cu 30 aña.
