Page 4 - Bon Dia Aruba

A4
EDITORIALDiahuebs 4 Februari 2016
Prome Ministro ta manipula informacion
Dos voto disidente den fraccion berde
pa presupuesto
Cu nos Prome Ministro ta capaz di tira un
bon discurso y na un manera cu ta convence
hopi hende, no ta un secreto. E tabata tam-
be e base di su exito te awor como politico.
Sinembargo, no semper e discurso elocuente
ta contene tambe e berdad di e tema di cual e
ta papiando. Asina tambe den su discurso den
segunda tanda di tratamento di presupuesto
2016, unda el a bay riba e opinion cu Raad van
Advies a expresa den nan evaluacion di presu-
puesto.
Premier Eman a mustra riba e hecho cu Raad
van Advies lo a remarca cu e deficit di pre-
supuesto lo por ta hasta mas abao cu 2% di
GDP. Esey ta parce corecto, pero cu ta saca e
observacion di RvA for di su contexto. Kico ta
exactamente e caso?
Pa cuminsa, Raad van Advies ta haci e obser-
vacion den e parti di nan rapport unda nan
ta haci un comparacion cu añanan anterior a
base di e concepto di ‘gobernacion amplio’.
Esaki ta segun e criterionan di e ‘Government
Finance Statistics Manual’ (GFS Manual) di
Fondo Monetario Internacional (IMF). Esaki
pa Aruba ta encera cu ta tuma na cuenta entra-
da y gasto di gobierno central y di e fondonan
social y di cuido medico, basicamente SVb y
AZV. Loke ta tratando awor den parlamento
ta solamente e entrada y gasto di gobierno
central. E observacion di RvA ta cu e deficit,
segun argumentacion di gobierno, lo por ta
menos cu 2% di GDP, si tuma na cuenta e sur-
plus den e fondonan di SVb. Principalmente e
surplus aki ta creciendo a base di e entradanan
di prima di AOV, cu ta aumentando pa via
di e cambio di edad di pension pa 65 aña, y
e aumento di 2% di prima, cu ta significa un
entrada di mas di 40 miyon pa aña extra pa e
fondo. E frase na cual Eman ta referi ta bisa:”
E Conseho sin embargo ta mustra ariba cu si
tene cuenta cu e surplus den e fondonan di
SVb, e deficit di e sector publico lo resulta na mocion encuanto e refineria. Su opinion ta cu
Afl. 86,0 miyon o (redondea) 1,7% di e PIB.”
Loke Prome Ministro no ta menciona, y esaki
ta loke nos ta yama manipulacion, ta cu RvA
den e siguiente frase di su rapport ta continua
bisando:” Gelet op de ruim geraamde mid-
delen van het Land verwacht de Raad echter
dat het tekort toch hoger zal uitvallen dan
thans wordt voorgesteld.” O na Papiamento:
Mirando e medionan [financiero] di e Pais
calcula ampliamente, e Conseho sin embargo
ta anticipa cu e deficit lo resulta mas halto di
loke ta ser presenta awor.
Ademas ta mas cu claro cu aki RvA ta referi na
e deficit mira for di contexto di e ‘collectieve
sector’ cual ta e termino pa indica e goberna-
cion amplio di cual nos ta papiando. Sin em-
bargo, den e ley di CAFT tin bon cla poni (art.
14 inciso 2) cu e deficit di e presupuesto di
gobierno mester ta 2,0% y no e deficit di e sec-
tor colectivo. Aki ta referi na e deficit segun
gobierno di 103 miyon florin, riba un GDP
cu gobierno ta spera cu pa 2016 lo ta 5250 mi-
yon florin, mientras cu RvA y CAFT ta kere
cu e GDP lo no ta asina halto. Por lo tanto
e parti cu gobierno lo haya como entrada (di
impuesto) lo ta menos. E cifranan real pa 2015
manera publica pa Banco Central ya caba ta
indica e tendencia di caida di entrada di gobi-
erno, manera nos a trece dilanti mas di un bes
den e editorial aki.
Manera tabata di spera, presupuesto 2016 a
keda aproba, pero cu e sorpresa di dos miem-
bro di fraccion berde cu a vota contra. Presi-
dente di Parlamento Lopez – Tromp y miem-
bro di parlamento Wyatt – Ras a cumpli cu
loke nan ta mira como nan deber di vota se-
gun nan consenshi y no a uni nan mes na e
resto di nan fraccion. Cu esaki nan a continua
cu nan trayectorio di cada tanto tempo divergi
di opinion mayoritario di nan fraccion.
Esey ta bon noticia, pasobra den un democra-
cia real e voto divergente aki mester ta posibel.
Naturalmente cu, pasobra e partido den go-
bierno tin un mayoria comodo di diestres
asiento, a sobra di tur manera un mayoria su-
ficiente pa aproba e presupuesto. Otro gay lo
a canta si tabata existi un mayoria mas chikito
unda cu gobierno no por a permiti su mes e
perdida di sikiera un voto.
Interesante tambe ta e voto contra di banda
di presidente di Parlamento den e caso di dos
gobierno no ta consistente den su maneho,
unda ta bisa cu ta apoya un maneho ‘green’ y
sostenibel, y di otro banda ta habri un refineria
cu ta conoci pa afecta salud di e habitantenan
di San Nicolas cu gasnan toxico. Su opinion
ta di aprecia na momento cu hasta oposicion
ta pro reapertura di e refineria, mirando ben-
eficio economico so y no e consecuencianan
ambiental di reapertura.q