Page 34 - ATA

Dr. Wilmer Salazar: Tin Influenza tipo A ta circulando na
Aruba

Thursday, 14 April 2016 11:31
Comparti

Ta scuchando hopi keho riba dolor di garganta, griep, caminda ta duradero. Hende ta bira malo, busca
remedi. Dr. Wilmer Salazar, kende ta forma parti di management team di Departamento di Salubridad
Publico, ta comenta cu ta circulando no solamente virus cu ta transmiti malesanan door di sangura, pero
tambe Seasonal Flue.

E ta caracterisa pa keintura halto, dolor di curpa. E ta bin compaña cu dolor di garganta, nanishi ta core y
un tosamento cu na principio ta bira seco y despues e ta bira cu slijm. E virus den e curpa ta Influenza
tipo A H1N1 y e virus ta keda mas of menos entre 7 pa maximo 10 dia. Sin embargo e sintomanan
respiratorio por keda dos siman pa un luna por lo menos. Esey ta hopi fastioso en berdad pasobra hende
ta tosa, e ta keda na cas. Pero despues di e 10 dianan e no ta bira mas infeccioso pa otro hende. Loke si ta
cu algun hende por haye mas duro y otro hende no. Si tin cu tene cuidao, una bes cu ta presenta keintura
halto, tosamento, niestermento, dolor di garganta, mester keda na cas, consulta dokter di cas, evita tuma
contacto cu otro hende pa por plama y tuma e medidanan higienico primordial, esencial cu ta laba man,
ora bo ta niester tapa boca y tuma likido, sosega na cas pa por lo menos 1 siman, una bes cu e keintura y
sintomanan respiratorio cuminsa. Esaki ta su temporada. El a cuminsa na Asia, Hulanda tambe tin caso y
Merca tambe tin hopi caso di Griep. Tin cu corda cu turistanan Mericano, tempo ainda ta haci friu y nan
ta bin Aruba y por ta cu nan lo keda plama riba nos.

Tin hopi caso, pero ainda e ta den e parti normal y e temporada di Griep cu ta esey, cu ta afecta nos pais.
E presencia di e situacion aki ta notabel. Algun dokter ta yama, tin resultadonan di laboratorio di algun
pashent, incluyendo algun di nan ta keda tuma na Hospital, no mucho, pero ta mirando cu e ta un subida
y conhuntamente cu hospital ta tuma cierto medidanan pa vigila y informa na e comunidad tocante e
parti aki. DESPA ta recomenda pa tuma tur medida di precaucion, si nan ta sinti keintura halto, si nan
tin dolor di garganta y nan tin tosamento, tuma contacto cu dokter di cas. E periodo di plama virus pa
otro hende ta dura mas of menos un siman pa 10 dia, pero e sintomanan ta keda cu lo por keda pa 2
siman of un tiki mas y ta un sintoma respiratorio mas tanto, tosamento ta keda, cu slijm y despues poco
poco ora e periodo inflamatorio di pulmon ta bay, e ta keda normal bek. Tur cos ta depende di
complicacionnan, e por resulta fatal. Tin hende por crea por ehempel Neumonia, pa e mesun virus pa
bacterianan. Por crea tambe otro complicacionnan, manera menengitis, etc. Semper den tur infeccion
vira mas tanto of bacterial, semper complicacionnan tey. Hende cu tin factornan di riesgo por bira mas
complica. Pesey tin vacuna pa hende di riesgo y tin precaucion. Si ta tuma precaucion, e efecto lo keda
minimal y e ta evita pa plama pa famia y/of hende den comunidad, Salazar a expresa.