Page 36 - ATA
P. 36
Minister Oduber ta crea plataforma nacional pa traha
na bienestar di nos pilar economico
on: April 14, 2016In: LocalNo Comments
Print Email
Despues di 2 dia di sesion di “brainstorming” cu mayoria di e partnernan den sector turistico pa mira
e diferente posibilidadnan pa logra cu e bishitantenan por gasta mas na nos isla, Minister Oduber ta
indica cu ta cla pa crea un plataforma nacional.
Durante e periodo di Januari 2014 pa Juni 2015 ATA a conduci un analisis detaya, den forma di un
encuesta, entre 3000 bishitante di e mercado Americano, pa por haya un bista mas specifico di e
motibonan cu lo por conduci cu e turista ta mas cauteloso pa gasta. A enfoca riba compras,
restaurantnan, actividadnan y casino. Den e encuesta aki a sali 6 punto cu ta obstaculisa e turista
pa contribui miho na nos economia. NA prome luga ta e aspecto di servicio, di dos luga e turista no
ta ricibi e balor di locual nan cumpra, di tres ta e falta di productonan autentico, cuatro falta di
metodonan moderno di pago, cinco falta di variedad den actividad y por ultimo mester pone mas
atencion na nos casinonan.
