Page 35 - ATA

Dr. Wilmer Salazar: Cifranan di Dengue y Chikungunya no
aumenta

Thursday, 14 April 2016 11:34
Comparti

Departamento di Salubridad Publico ta reuni periodicamente riba e tema di Zika. Tin un grupo cu yama
Grupo di Outbreak (VAT) y ta evalua con e situacion ta, segun miembro di e team di maneho, dr. Wilmer
Salazar.
Tin cu corda cu tin un campaña di un plan di accion cu casi ya den dos siman ta caba full completo y e
resultadonan ta hopi bon. E cifra di Dengue, Chikungunya no a aumenta. E ta manteni riba nivel abao,
bao di e normanan di endimnisidad y por bisa cu tin un efecto positivo di control riba e parti aki. Mas
tanto awor aki el a keda un tiki atras, pero e problema a bin riba e parti di sindrome respiratorio. Tin
dokternan cu ta reporta y hospital tambe ta actuando activamente riba esey. Pesey inclusive a sali
informacion den corant di parti di Salubridad Publico riba e parti di sintoma respiratorio, influenza entre
otro y con pa mantene por lo menos liber di malesa aki.
Esaki ta danki na e tiki yobida cu a cay, cu ta hunga un rol. Yobidanan ta importante pa broeimento di
sangura. Comunidad tambe ta tuma su deber pa mantene su cura, su cas liber di broeimento di larva, etc.
pa nos tene riba un nivel basta aceptabel di malesanan transmitador pa sangura, Salazar a conclui.