Page 8 - AWEMainta-15-04-2024

8 INTERNACIONAL AWEMainta
Studiante Hulandes desapareci na Noruega
A haya curpa aunke ainda no a confirma identidad
UN studiante Hulandes, desapareci na Noruega, a wordo
haya sin bida cerca di e localidad di Bodø, despues cu el a
disparce riba diasabra durante un caminata.
E studiante di e Facultad di Ciencia di Bida y Aquacultura na
Universidad Nord na Bodø, tabata canando dilanti di e grupo
den e area montañoso di Åselidalen durante un caminata
cu dos otro studiante internacional y a disparce fo'i bista. E
compañeronan a bati alarma y e buskeda a cuminsa.
E condicionnan no tabata faborabel pa e esfuerso di buskeda,
cu mal tempo y tereno dificil cu a complica e esfuerso di
buskeda. Autoridad pronto a cambia pa un buskeda cu
sospecho di un morto, mirando e tempo cu a pasa desde e
desaparicion y e factornan ambiental desafiante.
Un curpa a wordo haya diabierna anochi, pero polis no a
Dialuna, 15 April 2024
confirma ainda ningun identidad oficial. Sinembargo, hopi
hende ta kere cu ta trata di e studiante desapareci, y e famia
a wordo informa di e sucesonan.
E circunstancia exacto rond di e descubrimento di e restonan
no a wordo revela ainda pa e autoridadnan. E noticia a causa
un ola di tristesa y preocupacion, no solamente den e circulo
inmediato di esunnan envolvi, pero tambe entre e comun-
idad internacional di studiante y e comunidad Hulandes na
Noruega.
E evento tragico ta recorda nos e peligernan cu por surgi
den naturalesa y ta enfatisa e importancia di precaucion
durante actividad den aire liber. Investigacion riba e circun-
stancianan rond di e morto di e studiante ta continua mien-
tras cu e sernan keri ta yora e perdida di un bida hoben cu a
termina demasiado pronto.