Page 9 - AWEMainta-15-04-2024

Dialuna, 15 April 2024 AWEMainta INTERNACIONAL 9

Atacado di Sydney Identifica

Problema di Salud Mental cita den

incidente fatal den centro comercial

Relato di e testigonan presencial y secuencia di video a
capta caos y horor ora Cauchi, arma cu un cuchiu, a core
a lo loco den e centro comercial, atacando e cumpradonan
sin previo aviso. A pesar di e respons rapido di Polis, incluy-

endo Inspector Amy Scott, kende finalmente a tira y a mata
Cauchi, e tragedia a laga un impacto profundo riba e comu-
nidad.

Prome Minister Anthony Albanese a elogia e actonan
heroico di Inspector Scott y otro e pasaheronan cu a inter-
vení pa proteha bida memey di e caos. Mientrastanto, famia
di Cauchi a expresa nan lamento pa e eventonan, reconoci-

endo e lucha di nan yiu cu salud mental for di adolescencia.

Mientras e comunidad ta trata cu e consecuencianan di
violencia sin sentido, a pone tributo floral pafo di e centro

comercial na honor di e victimanan.

E incidente ta sirbi como un recordatorio di e retonan continuo
rond di salud mental y siguridad publico, cu a provoca peti-

cion nobo di apoyo y iniciativa di concientisacion.

POLIS Australiano a identifica Joel Cauchi, di

40 aña, como e agresor responsabel pa un inci-
dente tragico cu a costa bida di seis persona
den un centro comercial na Sydney. E atake, cu
a tuma luga na Westfield Mall na Bondi Junction,

a shock e nacion y a laga 12 persona herida,
incluyendo un mucha di 9 luna cu su mama
tabata entre e victimanan.

Autoridad a indica cu Cauchi tabatin problema
di salud mental no specifico, cu a conduci nan
pa descarta terorismo como motibo di e atake.
Subcomisionado di Polis di New South Wales,

Anthony Cooke, a enfatisa cu no tin evidencia cu
ta sugeri un motivacion ideologico specifico tras
di e incidente.

E victimanan, cinco hende muhe y un hende
homber, entre 20 y 55 aña, a wordo hinca mata
durante e asalto. Entre e mortonan tabata Faraz
Tahir, di 30 aña, security di e centro comercial,

kende tabata conoci como un miembro respeta di
e Comunidad Musulman Ahmadiyya di Australia.