Page 8 - DIARIO 30 OCTOBER 2021 COMPLETO.indd

PAGINA 8 DIARIO DIALUNA 1 NOVEMBER 2021
Elite K-9-Club a tene su edicion “Halloween
Event Dog Show” 2021

ORANJESTAD (AAN) – Den entrevista cu Dino, e
Fundador di Elite K-9 Club, el a menciona na DIARIO
cu nan a organiza e di dos edicion di “Halloween
Event Dog Show”. Esun prome tabata na 2020, y dia
28 di October ultimo a tene esun di dos.
E motibo pa organiza esaki ta pa trece tur e doñonan di
cacho na Aruba mas hunto, y mirando e problema cu
tin na Aruba di cacho riba caya, nan kier tene cuenta
cu akinan tin hopi talento y cu por haci uso di esaki.
E evento tabata hopi bon bishita y Dino ta kere cu pa
otro aña e lo ta hopi mas grandi. Ya caba nan ta den
preparacion caba pa Dia di Betico, cu tambe nan lo tin
un evento, aunke nan no sa e localidad ainda.
Dino a splica cu Elite K-9 Club tin tres nivel, y tur
diadomingo nan tin registracion pa 9 siman di curso,
pa cuminza pone cacho na linea, siñ’e sinta, y despues
di esey nan tin medium clas den cual nan ta siña e
cacho un tiki mas di locual el a siña caba, y nan ta
evalua si e cacho ta cualifica pa drenta den mondi,
busca hende, entre otro.
Tur esaki ta tuma lugar na Ripoldo Ballpark, na
Piedra plat, cu ta e tereno cu Elite K-9 Club ta usando
actualmente, aworaki cu un tremendo cooperacion di
e Comision di e Veld. El a gradici tur e sponsornan cu
a coopera pa e anochi aki.