Page 11 - MIN ON

Djarason 20 Yanüari 2016 37

...segun parlamentario Zita Jesus-Leito...

MESTER TUMA PASO P’E ‘INPUT’

DI UNIVERSIDAT DI KORSOU
WILLEMSTAD.- despues ku e rèktòr di a bati bèl ekspresando su insufisiente na kalidat e instituto i ku ta sali di
Frakshon di PAR ta spera, Universidat di Kòrsou mes preokupashon pa e nivel di studiante ku ta drenta e instituto, ku tur hende
enbolbí den e proseso di
enseñansa lo sa di asumí
responsabilidat. Mester
tuma paso pa e ‘input’ di
Universidat di Kòrsou ta
na nivel adekuá pa asina
universidat alkansá e nivel
ku mester pa ta un instituto
respetá i ku ta konta den
mundu, di akuerdo ku Zita
Jesus-Leito, lider di frakshon
di PAR.

Frakshon di PAR, ya a
indiká anteriormente na
diferente okashon, ku si ke
konta den mundu komo
pueblo, anto “nos” hendenan
meter por konta riba un
enseñansa riba un nivel
haltu. Pa aña mas di 350
mion ta bai den e sektor
di enseñansa. Komo tal un
desperdisio di tantu rekurso
finansiero komo humano. No
ta algu ku por sigui aseptá.

Ya pa basta tempu
frakshon di PAR a bini ta
preokupá pa e kalidat abou di
enseñansa. E resultadonan
ku e skolnan di fundeshi ta
dunando ta preokupante.
E resultadonan pa idioma
Papiamentu i Ulandes ta un
promedio di 5 pa 6, miéntras
ku esun di aritmétika ta un
5.

Ta ku e resultado asina
hóbennan ta drenta skol
sekundario. Tur hende
ta konstatá e resultado
di e studiantenan di skol
sekundario tambe ta abou.
Konsekuentemente, ta e
studiantenan aki ta drenta
institutonan di estudio riba
nivel mas haltu. Esei ta
splika ku ta hopi ta esnan
ku ta tuma mas aña pa kaba
nan estudio pa motibu ku
nan no ta dominá e idioma
di instrukshon lo sufisiente.
Esaki indudablemente tin su
reperkushon tantu finansiero
komo emoshonal pa esnan
enbolbí den e proseso.

PAR ta bai hasi su
esfuerso hasiendo uso di e
rekursonan na su alkanse
pa yuda trese un kambio
drástiko i rápido den
aserkamentu di e problema
aki.

Un promé paso ku PAR ta
tuma ta pa urgí Parlamento
pa mas lihé posibel invitá
Rector Magnificus di
Universidat di Kòrsou pa
den un reunion interkambiá
riba pasonan ku tantu riba
término korto komo largu
mester tuma, di akuerdo ku
de Jesus-Leito.