Page 6 - MIN ON

Djarason 20 Yanüari 2016 5

...Ultimatum pa reuní i tuma desishon...

VIBA PERDIENDO PASENSHI KU GOBIERNU
W I L L E M S TA D . - E organisashon ku ta sali na interes di e área di Bándabou ta pèrdiendo pasenshi ku gobièrnu. E organisashon
ku yama VIBA awor a pone
un ultimatum pa gobièrnu
atendé diferente punto ku
nan a primintí for di aña
pasá. “Nos ta hopi rabiá”,
asina un bosero a bisa ayera.
Dia 2 di yüli aña pasá un
grupo di diferente área di
Bándabou a ekspresá nan
malkontentu pa e manera
ku ta neglishá e barionan.
No opstante ku aña aden,
aña afó polítikonan a
kana bario pa buska voto
hasiendo promesa, desaroyo
di e diferente áreanan a keda
atras riba diferente tereno.
Un akshon di sendementu
di tayer na kandela na
altura di Grote Berg a haña
masha publisidat riba Dia
di Bandera. Esei a pone
ku na e selebrashon di Dia
di Bandera na Bándabou
tabatin protestanan
grandi i un biaha mas a
hasi diferente promesa.
Finalmente promé minister
Ivar Asjes e tempu ei despues
otro mandatarionan di su
gobièrnu a sinta na mesa pa
skucha e problemanan pero
kosnan a keda te einan.
Na diferente okashon
sinembargo e organisashon
a sigui protestá entre
otro pa falta di un òf mas
botika (ku miéntras tantu
parsialmente ta remediá),
falta di brantwer i falta di
atenshon pa enseñansa
i hóbennan. Djadumingu
último nan kana a yena
na momentu ku tabatin
un aksidente serio ku a
kosta bida di un persona.
Brantwer no por a yega na
tempu pa saka un hende
ku tabata den un prekansia
serio i e persona a fayesé
na e sitio. No ta e promé
kaso serio ku a tuma lugá.
Tabatin diferente kaso mas
inkluso diferente kandela.
E organisashon ta atribuí e
situashon ku a surgi pa falta
di Brantwer den e área, algu
ku a primintí.
“Ta basta ratu nos
tin ta pidi pa remediá
e situashonnan aki,
inkluyendo un Servisio di
Brantwer. Nos a manda
karta na dos okashon pa
minister Navarro ku no
tabata presente na reunion
ku gobièrnu aña pasá pero
nos no a haña kontesta. Nos
a bisa bon kla ku si algu
pasa, esei ta responsabilidat
di gobièrnu. Nos ta hopi
rabiá i disgustá pa loke a
pasa, no ta promé biaha
pero un biaha mas. Ta kos
ku por a evitá”, asina e

Sigui lesa pagina 42