Page 5 - MIN.MIKE DE MEZA FEB 6,2015

Diabierna Februari 6 2015 Pagina 11

LIDER DI MEP, MR. EVELYN WEVER-CROES

MINISTER ANGEL
BERMUDEZ A ADMITI CU
DEBE NACIONAL DI ARUBA
TA 4.000.000.000 FLORIN

80% DI GDP

Den Parlamento minister
Angel Bermudez a duna
informacion tocante e
situacion financiero precario
di pais Aruba y splica con
grandi e MEGA DEBE ta na
e momento aki. E minister
a parti documentonan cu ta
mustra cu e debe nacional
di Aruba na e momento aki
ta 4.000.000.000 florin. Cual
ta representa 80% di GDP. E
suma aki ta uno exorbitante
y ta dificil pa pensa cu un
gobierno su so, den apenas
5 aña, por a causa un pais
asina tanto daño y asina
tanto debe. Pa por baha e
debe aki y pone bek na e
nivelnan cu Aruba a conoce
bao di gobiernonan di MEP,
lo tarda 20 aña segun e
expertonan di CFT a calcula.

“Den campaña electoral na
2013 nos a trata na alerta nos
pueblo pa e MEGA DEBE
aki. Mike Eman y su partido
a nenga cu e debe tabata
asina halto, es mas, nan
tabata kier pa tur hende kere
cu cos ta bon na Aruba. Awe
nos a mira con el’a redobla e
debe di nos pais, y hiba na
nivelnan peligroso, poniendo
Aruba na borde di bancarota.
Y ainda e mes no ta realiza e
peliger cu e ta hinca henter
e pueblo aden, pasobra e ta
sigui cu su fiesta y e ta sigui
hipoteca nos pais.

Ami ta masha preocupa
pa esaki. Ademas, mi ta
indigna, pasobra Mike Eman
y su gabinete a hipoteca no
solamente nos generacion,
pero tambe di nos yiunan y
nan yiunan, sin cu e tabata
tin autorizcion pa haci
esey. Awe nos ta mira con
enseñanza ta deteriorando,
y mayornan mester bay paga
mas pa nan yiunan por haya
un educacion. Tur esaki ta
e consecuencia di e MEGA
DEBE cu Mike Eman a hinca
nos pais aden”, lider di MEP
a duna di conoce.