Page 21 - KPA JAN 19

PG a exigi Hof pa subi castigo di 2 pa 3 aña pa dos homber
cu a abusa di agente di Polis femenino

Publication: Tuesday, 19 January 2016. Categoria: Judicial

Aunke cu e sospechosonan ta para riba cu tur cos a sosode voluntario

ORANJESTAD (AAN): Dialuna mainta Corte Superior a trata e apelacion den e caso penal
contra e hombernan C. y D., kendenan a wordo condena na 2 aña di prison pa a viola un agente
di Polis femenino. Ta asina cu Fiscal a exigi 4 aña di prison y no a keda contento cu e sentencia y
a apela. E sospechoso C. tambe a apela e sentencia.

ACUSACION

Ayera mainta den sala di Corte tabata presente familiarnan di e sospechosonan. PG a bisa Hof cu
e acusacion contra e hombernan C. y D. ta cu riba 20 December 2014, nan a abusa di un agente
di Polis femenino ariba Eagle Beach. Tambe nan ta wordo acusa cu nan a bay laga e victima den
un situacion for di conocimento y no percura pa e haya tratamento medico.

PG A BISA PAKICO A APELA

PG a splica Hof cu e motibo cu a apela ta pasobra cu a exigi 4 aña di prison y Corte den Promer
Instancia a condena e dos acusadonan na 2 aña. E ta haya e castigo mucho abao. Tambe PG a
bisa cu el a apela contra e decision di Corte den Promer Instancia pa declara e sospechosonan
liber pa e di dos acusacion.

Hof a puntra C. kico ta motibo pa apela. C. a bisa Hof cu e ta laga tur cos den man di su abogado
mr. H.Croes. Hof a puntra C. si por considera loke el a declara den Corte den Promer Instancia e
berdad. C. a bisa cu esey ta e berdad. D. tambe a bisa e mesun cos.

ABUSO OF VOLUNTARIO?

Hof mustra cu e victima a declara cu dia 20 December 2014, for 10.30 di anochi el a sali y bebe.
Mas o menos 2’or marduga el a yega na un bar den sector hotelero y a dal drinks. El a bisa cu e
ta corda cu el a bay baño y su amiga a bay busca un bebida p’e. Despues di esey, e no ta corda
nada mas. El a declara cu el a spierta den hospital.

Despues el a bisa, cu el a tende cu el a wordo abusa door di dos homber. Tambe cu e lo a dal su
cabez contra suela.

Hof a puntra C. si e tabata conoce e victima y cu e ta Polis. El a bisa cu e no tabata conoce y cu
ta e anochi ey el a conoce y mas laat den anochi el a bin haya sa cu e ta Polis. D. tampoco no
tabata conoce personal. Solamente riba facebook y tabata sa cu e ta Polis.