Page 23 - KPA JAN 19

Segun e presidente di Hof, investigacion ta mustra cu tabatin chat entre C. y D. riba cellular
caminda nan ta bisa cu nan mester bisa cu ta e victima mes tabata kier y cu nan a spanta y bisa cu
esey ta e berdad. A resulta cu anterior nan a gaña cu nan no a haci sex.

1. a splica Hof cu nan a bisa asina, ora nan a haya sa e mesun dia for di prensa cu e victima
no a muri. Segun C. nan a gaña promer pero despues a dicidi di papia cu ta bisa e berdad.
Hof a puntra pakico no a papia e berdad e promer. Segun e duo, nan a spanta como
promer biaha y no kier a daña nan imagen como deportista. Pesey nan a gaña.

EXIGENCIA PG

PG a bisa Hof cu e ta haya legalmente proba cu C. y D. a abusa di e agente di Polis. El a condena
totalmente loke e duo aki a haci. Pa loke ta e di dos acusacion, PG no ta haya cu a keda proba cu
intencionalmente e duo a bay laga e victima atras, siendo cu por a hib’e pa haya ayudo medico.

PG a sigui bisa cu e ta haya cu e castigo cu Corte den Promer Instancia a condena e duo ta
mucho abou. El a exigi pa Hof subi e castigo di 2 pa 3 aña di prison.

Despues di a scucha e defensa di mr. H.Croes y mr. Illes, Hof a sera tratamento di e caso y a bisa
cu dia 5 di Februari 2016 lo por spera sentencia.

http://www.diario.aw/2016/01/pg-a-exigi-hof-pa-subi-castigo-di-2-pa-3-ana-pa-dos-homber-cu-a-
abusa-di-agente-di-polis-femenino/