Page 9 - MIN TTC 13 APRIL 2016
P. 9
ATA ta anuncia Disney Cruises ta anuncia intinerarionan
nobo pa 2017
Tuesday, 12 April 2016 18:51
Tweet
Comparti
Recientemente e prestigioso linea di crucero Disney Cruise Line a anuncia nan itinerarionan nobo pa
2017.
Pa prome biaha Disney Cruise Line lo sali for di Port Canaveral na Florida cu itinerarionan largo di 10 y
11 anochi pa e region di Sur di Caribe.
Un biaha mas Aruba lo forma parti di e itenerario di e compania prestigioso aki. Ademas di Aruba, e
itinerarionan di Sur di Caribe lo inclui otro islanan manera Corsou, St. Kitts, Tortola, Martinique,
Barbados y Castaway Cay -cu ta Disney Cruise Line su isla priva. E itinerarionan pa e ruta aki ta den e
crucero Disney Fantasy lo tin salidanan riba 17 di juni y riba 28 di juni 2017.
E lasonan profesional entre Disney Cruise Line y Aruba ya ta existi pa hopi aña. E ultimo dos añanan
Aruba Tourism Authority conhuntamente cu Aruba Ports Authority a reuni diferente biaha cu Disney
Cruise Line di forma mas concreto pa inclui Aruba den e itinerarionan nobo pa 2017. Esaki tabata inclui
un bishita na oficina principal na Orlando-Florida durante 2015 como tambe diferente reunion na varios
conferencianan cu Aruba Tourism Authority y Aruba Ports Authority a atende.
Disney Cruise Line su flota ta consisti di 4 barco y nan bishita na nos isla ta un oportunidad pa por inclui
un linea di crucero asina prestigioso y di un marca renombra manera esun di Disney durante e
temporada di low season. Mester menciona cu e pasaheronan di Disney Cruise Line ta pasaheronan
conoci pa ta afluente cu siguramente lo tin un contribucion positivo na e impacto economico cu turismo
di crucero tin pa Aruba.
Despues di varios reunion cu Disney Cruise Line, Aruba Tourism Authority, Aruba Ports Authority y
Ministerio di Turismo ta contento cu a logra reanuda e inclusion di Aruba den e itenerario di Disney
Cruise Line, y ta trahando pa amplia e base di bishitanan.
http://www.24ora.com/local-mainmenu-5/107473-ata-ta-anuncia-disney-cruises-ta-anuncia-
intinerarionan-nobo-pa-2017
