Page 43 - MIN SOC 13jan,2016

22 AWEMainta Diaranson, 13 Januari 2016

Comision di Dress a
Child di Women’s Club
of Aruba ta gradici

DURANTE luna di december nan di Women’s Club of Aruba a dedica

nan mes n’e proyecto di Dress a Child di Comision Special pa Mucha, cu
ta tambe nan ‘signature project’.
Asina pues e comision a bisti muchanan menos previlegia di e diferente
districtonan di Aruba.
Na nomber di WCA, Marva Solagnier, Chairman (Presidente) di e
comision hunto cu e diferente capitannan a pasa serca e management
team di e diferente negoshinan pa haci entrega di un certificado di
gradicimento y aprecio pa nan cooperacion pa cu nos muchanan.
Y tambe pa gradici e trahadornan pa nan pasenshi cu nos chikitinnan y
pa a duna nan un trato di prins y prinses.
Den e proyecto aki, e mucha ta central pa nos, pa nan tambe luci bunita
y sinti nan mes feliz pa celebracion di nacemento di Niño Hesus y pa
fiesta di fin di aña.
Na final di e proyecto tur mucha a ricibi un treat di e comision.
E satisfaccion di mas grandi di e comision t’e caranan alegre y feliz di nos
muchanan! E comision ta desea di gradici un y tur cu a coopera na un
forma of otro cu e proyecto aki y ta desea pueblo di Aruba un Prospero
2016. Masha masha danki!