Page 21 - AM231004

Diaranson, 4 October 2023 AWEMainta COMUNIDAD 21

Fundacion Snoop Doggy a bishita

diferente scolnan basico rond di nos isla

A pasa na Maria Goretti College, St. Franciscus College y Mon Plaisir School

undacion Snoop Doggy a ricibi un caluroso bon
Fbini na e scolnan basico akinan. Tawata tin varios
decoracion di blaas, e muchanan a canta bunita den
coro y na Maria Goretti algun di e muchanan di 3de

klas a hasta pinta nan mascota y con nan ta cuida es-
aki na e miho manera.

Durante e bishita na e scolnan basico, a entrega e

buki “Snoop Doggy vindt een huisje / Snoop Doggy
ta haya un cas” na tur e muchanan di 3de klas. E buki
‘’’Snoop Doggy vindt een huisje / Snoop Doggy ta
haya un cas’’ lo siña muchanan mas acerca di con pa

cuida di nan mascota. E buki ta skirbi den Papiamento
y Hulandes. Den e buki e muchanan lo bay riba un
aventura hunto cu e cacho cu yama Snoop Doggy.
Den e buki, Snoop Doggy ta wordo adopta door di un

famia cu ta dun’e hopi amor y cariño. Tambe nan ta
cuida Snoop Doggy mas miho posibel pa e no haya
carpata, pa e no core bay riba caya y pa e ta protegi
durante fin di aña ora tin hopi tiramento di klapchi.

E buki “Snoop Doggy vindt een huisje / Snoop Doggy
ta haya un cas” ta obtenibel gratis den e siman di
2 oktober te cu 8 oktober 2023 na e sigiente local-

idadnan : Contreras Veterinary Services, Animal
Care Clinic Aruba, Veterinary Clinic Aruba (Noord &
Wayaca), VSH Veterinary Specialty Hospital Aruba,
Animal Health Veterinary Hospital Aruba, Bestial Pet

House, Just 4 Pet, Shrek’s Pet Service, Canashito
Farm Supply N.V., Birds N Fishes y Biblioteca Nacional
Aruba.

Fundacion Snoop Doggy kier a gradici tur e scolnan
y maestronan pa e tempo cu nan a permiti di haci
e entregamento di e buki. Tambe Fundacion Snoop
Doggy kier a gradici e sponsornan cu a haci tur esaki

posibel: Aruba Bank N.V., Bureau di Minister Ursell
Arends, ASTEC, Martijn Trading Aruba, Matthews
Beachside Restaurant, Santos, Dog Hotel Aruba,
Bestial, Contreras Veterinary Clinic & The Sticker

Lady.

Si tin cualkier pregunta por tuma contacto cu
Fundacion Snoop Doggy na foundationsnoopdoggy@

gmail.com of 568 6030. Por sigui nos riba rednan
social pa haya mas informacion.