Page 24 - AM231004

24 AWEMainta
Fortaleza pa Famia
Placa, poder, y posicion
PLACA ta un herment economico terenal, cual mundo
henter ta uza como forma di pago pa compra y benta.
Placa no por cumpra ningun don, ni tampoco e frutanan di
Spirito Santo (Hechonan 8:20).
Ningun cobertura spiritual por wordo pasa over pa medio
di placa, pasobra Spirito Santo no ta na benta (Santiago
1;16-17).
Placa por cambia caracter, pensamento, y actitud di hende.
Placa por pone hende bende hende.
Placa por pone hende lubida hende.
Placa por pone hende bira lomba pa Dios.
Placa por ta causante di morto.
Placa por causa inmoralidad y impuresa.
Placa por haci hende corupto.
Placa por pone hende hasta bira lomba pa nan propio
famia.
Pa placa nos Salbador Cristo Hesus a wordo traiciona.
(Lucas 22:3-5).
P’esey e Palabra di Dios ta bisa lo siguiente:
Pasobra amor pa placa ta reis di tur sorto di maldad, y
algun hende, door di esaki, a desvia for di fe, y a traspasa,
nan mes cu hopi dolor.
Placa riba su mes no ta e problema, pero ora placa ta
domina bida di hende enbes di hende domina placa eynan
tur problema ta cuminsa.
E uzo y maneho di placa mester wordo respeta den tur cas
di famia, pa evita dificultad financiero.
Instrui esnan cu ta rico den e mundo actual, pa nan no ta
soberbe, y pa nan no fiha nan speransa riba e insiguridad
di rikesa, ma riba Dios. Kende ta provee pa nos tur cos
na abundancia pa nos disfruta di nan. Instrui nan pa haci
bon, pa nan ta rico den bon obra, pa nan ta generoso, y
dispuesto pa comparti.
Pa nan montona pa nan mes e tesoro di un bon fundeshi
pa futuro, pa gara loke ta bida berdadero (1 Timoteo 6:17-
19).
Nos ta bibando den un tempo caminda Placa, Poder
y Posicion ta wordo uza pa apoya inhusticia, maldad,
malicia, inmoralidad, abominacion, terorismo, y pa kibra
famia, y causa dolor na muchanan.
Amor pa placa a bira grandi, e ta manifesta su mes den
Diaranson, 4 October 2023
un forma grosero, caminda hende ta adora placa, poder y
posicion, y pone Dios un banda, birando arogante, ingrato,
sin dominio propio, te na e momento cu nan perde tur cos
of ta drumi na cama cu un malesa, nan ta corda riba Dios.
Pasobra caminda boso tesoro ta, eynan boso curason ta
(Lucas 12:34).
E poco cu e husto tin ta miho cu e abundancia di hopi
malvado. Pasobra brasa di e malvado lo wordo kibra, ma
Señor ta sostene e husto (Salmo 37:16-17).
No stima e mundo ni e cosnan di mundo. Si un hende ta
stima mundo, e amor di e tata no ta den dje. Pasobra tur
loke tin den mundo, e deseo di carni, y e deseo di wowo,
y e orguyo di bida, no ta bini di e Tata sino di e mundo.
E mundo ta pasa bay y su deseonan tambe, ma esun cu
haci e boluntad di Dios, ta permanece pa semper (1 Juan
2:15-17).
Boso no sa cu amistad cu mundo ta enemistad pa cu
Dios? P’esey ken cu kier ta amigo di mundo ta haci su
mes, enemigo di Dios.
E amor pa placa, poder y posicion, ta lanta odio y falta
di pordon den hopi curason, y Dios su standard no ta
cambia, si nos no pordona otro, Dios tampoco ta pordona
nos (Mateo 6:14-15) y (Mateo 18:23-35).
E prioridad den nos bida mester ta Cristo Hesus, pasobra
sin Dios, ta imposibel hiba un bida decente y fructifero
hunto cu nos famia.
Amor pa placa, por desvia hende for di e caminda di Señor.
Sinceramente, Pastor Marcel Balootje