Page 78 - MIN SJA 18 NOV 2015

6 Djarason 18 Novèmber 2015

...Yamada na tur lider
sindikal pa reunion otro

siman...

SINDIKALISMO:
KLASE TRAHADO

NO TIN MAS
ESPASIO PA

MEDIDA

WILLEMSTAD.-
Plataforma sindikal a reuní
djamars mainta 10’or den
edifisio SSK pa papia riba
e último desaroyonan
polítiko na Kòrsou. Apesar
ku ta formando un gobièrnu
e lidernan sindikal a
konsiderá ku ta na su lugá
pa sindikalismo sinta huntu
ku e meta pa manda un
mensahe hopi kla na kual
sea gobièrnu ku sinta. E
mensahe ta e klase trahadó
no tin espasio mas pa mas
medida, sinembargo nan
ta konsiente di situashon
di pais i ta pensando
pa bolbe bai traha riba
alternativanan ku lo keda
presentá na gobièrnu.

Di e 28 sindikatonan
ku tin na Kòrsou tabatin
representante di solamente
7 sindikato, pues no ta un
kantidat representativo di
sindikalismo di Kòrsou.
Esaki mes ta motibu pa
kiko e lidernan sindikal
na e reunion a disidí ku ta
bolbe konvoká un di dos
enkuentro pa otro siman
djarason 25 di novèmber. E
plataforma sindikal ta spera
di konta ku asistensia di
mas lider sindikal pa asina
por papia di un ‘draagvlak’
di sindikalismo, asina
Edmond Francisca a duna
di konosé na EXTRA.

E plataforma sindikal ke
bai prepará pa nan ta hopi
fuerte kontra tur medida ku
ta ataka e klase trahadó.
Un ‘draagvlak’ mas amplio
ta nesesario pa sostené e
intenshon kaminda ta bai
mustra gobièrnu ku nan ta
serio den nan ponensianan
ku na no mas medida.
Sindikalismo no ke bisa sin
mas no mas medida, pero
nan ke bin ku alternativa.

Klase trahadó no tin mas
espasio pa duna aporte.
Na diferente okashon
sindikalismo a presentá ku
proposishonnan konkreto
i gobièrnunan no a hasi
nada ku nan. Sinembargo
nan lo bolbe bai traha riba
proposishonnan pa subi
entrada di gobièrnu. Tur sèn
ku mester pa dirigí e pais aki
mester sali for di e pueblo
aki mes, pero e pueblo ku
tin pòtmòni. Sindikalismo
ke stabilidat polítiko.