Page 82 - MIN SJA 18 NOV 2015

Djarason 18 Novèmber 2015 35

Kontinuashon di pag. 14
FUNDASHON

Inventarisá tambe
komentarionan ku
usuarionan di e marka di
èrko ta pone riba Internèt.
Esakinan ta balioso pa sa
mas di kalidat i durabilidat
di e marka di èrko.

Informá tambe pa
kondishonnan di servisio
i di garantia di e marka di
èrko i di e bendedó promé
kumpra. Pa si dado kaso
e èrko daña i mester di
drecha no bin tende ku no
ta bende e marka mas òf no
tin piesa mas p’e.

Awendia tin, banda di
negoshinan spesialisá den
benta di èrko, hopi otro
establesimentunan ku ta
bende èrko.

Tene na kuenta den
eskoho e balanse entre
konseho i servisio
spesialisá i un preis kisas
mas barata.

E kapasidat di un èrko
ku mester ta dependé di
e grandura di espasio.
Kapasidatnan ku tin di èrko
ta 9, 12, 18 i 24 i 30 BTU
(Britisch Thermal Unit).
Mas haltu e kapasidat,
mas karu e èrko ta. Ta
sumamente importante
pa kumpra un èrko di e
kapasidat apropiá pa e
sitio ku mester fria. Un
èrko muchu grandi òf
chikí por pone ku e èrko
su durabilidat ta bira
ménos ku normal, debí
ku por ehèmpel e èrko
mester traha muchu duru
pa mantené e temperatura
deseá den e espasio.

Konseho di Fundashon
pa Konsumidó ta pa semper
laga un tékniko sertifiká,
di e establesimentu
kaminda ta bai kumpra e
èrko, hasi un inspekshon
i midi e espasio kaminda
mester instalá e èrko i
indiká e kapasidat di èrko
nesesario.

Pa kontrolá esaki por
hasi uzo di un kalkuladó
di BTU riba di Internèt.
Ta hinka e midínan di e
kamber (haltura, hanchura
i grandura) i e sistema ta
kalkulá kapasidat di e èrko
ku mester.

Tuma kontakto ku
Fundashon pa Konsumidó

Pa mas informashon
tokante di komparashon
di èrko i tepnan pa
kompra di èrko tuma
kontakto ku Fundashon
pa Konsumidó na telefòn
462-6666, via i-meil na
info@fundashonpakonsumido.
org, bishitá nos página di
Facebook, nos wèpsait www.
fundashonpakonsumido.org òf
pasa serka nos na ofisina
na de Ruyterkade 53.