Page 4 - bon-dia-aruba-20230221

A4 LOCAL
Diamars 21 Februari 2023

Grupo Kids & Youth in Action a gana ‘Best Road Show’

den parada grandi di Aruba su carnaval 69

Ayera SMAC a saca e lista di
premionan oficial pa loke ta
parada grandi di Aruba su
carnaval 69. Un di e premi-
onan aki tabata e premio di
‘Best Road Show’, cu a bay
pa e grupo di baile Kids &
Youth in Action cu ta e grupo
di baile cu a baila y a wordo
compaña pa reina grandi di
Aruba su carnaval.

Kids & Youth in Action ta un
grupo di baile cu tin mas di 30
aña di existencia na Aruba. Pa
eleccion di reina, e grupo a wor-
do acerca pa baila pa reina grandi
di Royal Carnival Group, Adri-
anne Jacobs, cu dia 22 di januari
a keda corona como reina grandi
di Aruba su carnaval 69 y na e
momento ey a keda encarga pa
habri e paradanan di carnaval.

E bailarinanan di Kids & Youth
in Action, cu coreografia y lider-
asgo di Raisa Montilla den tem-
porada di carnaval, a compaña
Aruba su di 67 reina grandi di
carnaval durante e paradanan
grandi di San Nicolas y Oran-
jestad.

Montilla, ken tambe tabata en-
carga cu e coreografia di e show
oficial di Adrianne Jacobs du-
rante eleccion di reina, a conta
Bon Dia Aruba cu e ta un great
reconocemento pa tur e es-
fuerso y trabou cu e hunto cu
su bailarinanan, y sin laga afo e
reina y su team, a haci durante
temporada di carnaval.

“Pa dia di eleccion e preparacion
mes tabata duro y nos a train
practicamente tur dia pa dos si-
man. Despues di eleccion nos a
keda hopi contento cu e presen-
tacion di e grupo y nos a haya
invitacion di parti di e team di
Adrianne pa compañe durante
parada y dimes no tabata mas cu
dispuesto pa join y disfruta di e
paradanan”, el a bisa.

El a sigui conta cu e muchanan
tabata hopi entusiasma pa join
den e parada y pa hopi di nan
tabata prome biaha cu nan ta
bay den e parada y nan a baila di
principio te final.

“Mi muchanan a gosa. Hopi di
nan tabata prome biaha nan ta
bay den parada grandi y e tabata
duro si, pasobra e solo tabata su-
per fuerte y e ruta tabata largo,
cinco ora riba pia bailando no ta
facil, pero nan a haci nan best,
nan a luci, pero mas importante
nan a gosa. Mi kier a gradici
Royal Carnival Group y e team
di Adrianne pa permiti nos com-
paña Aruba su reina.”