Page 14 - MIN ARENDS

A4 LOCAL
Dialuna 23 OctOber 2017
Negociacion di CAO trahadonan di Alhambra Casino ainda no ta cla

ORANJESTAD – Mediador di gobierno, Anselmo Pontilius, a informa cu Alhambra
Casino y sindicato STA ta ainda negoshando e contracto colectivo (CAO) pa e tra-
hadonan. Nan a cuminsa negosha fei inicio di aña pero na luna di april nan a pega
den nan negociacion y nan a bay pidi intermediacion di mediador di gobierno.

Den e proceso aki e departamento aki cu ta brinda ayudo pa entre otro resolve conflicto laboral
a orienta ambos parti un poco y nan a sigui negosha. Pero nan a pega bek ariba un parti cu tin
di haber cu reduccion di siman di trabou y e parti di aumento salarial.

Sr. Pontilius a laga sa cu nan a sinta cu e partido un biaha mas diaranson ultimo. E biaha aki
nan a duna algun recomendacion pa atende cu e puntonan cu ainda nan ta pega cu nan pa logra
finalisa di negosha e CAO nobo aki. E ta spera cu nan por sali di e impasse aki considerando cu
e periodo ta hopi largo cu nan ta negoshando sin por yega ainda na e firma final di un CAO.

Mediador di gobierno a splica cu na Alhambra Casino tin CAO caba y condicionnan di trabou
estableci tambe pero tin un debate riba cambio di orario y e cantidad di dianan liber pa siman.

Nan ta evalua con e efectonan di e dianan liber aki ta pa un
casino.

E casino a yega di informa con nan por yega na otro pa sali
fei di e impasse aki. Tambe a base di e recomendacion duna
pa departamento di mediador di gobierno, e sindicato a keda
di traha un ultimo contra oferta. E compania a ricibi esaki y a
keda palabra cu dia 9 di november nan ta sinta bek pa mira si
e partidonan por Sali fei di e parti aki.
“Atrobe nos ta haci un apelacion riba tur dos partido pa wak
hopi di cerca cu lo mester bin den e contracto colectivo ta e
condicionnan di cambio di orario di trabou. Y si tin alternativa
keda cu mente habri”, sr. Pontilius a bin cu e recomendacion
aki. El a indica cu tin diferente departamento den un casino
cu no necesariamente e mesun orario ta aplicabel pa tur de-
partamento. Talbes esaki lo por trece eventualmente discu-
sion riba con nan ta bay planifica esaki. Pero algo cu si ta sigur
ta cu bo tin un casino cu ta habri 7 dia pa siman y e ta opera
sigur for di mainta te cu 4’or di madruga.
E ta un situacion cu nan mester evalua con nan ta bay atende
cu esaki sin cu operacion di e casino ta resulta afecta. Y tog pa
percura cu e trahadonan tin mas dia liber pa nan mes y pa nan
famia sin cu nan ta bay atras den pago.

“Esaki ta e puntonan principal. Nos ta spera cu nos lo por
resolve pa rond di dia 9 di november “, segun sr. Pontilius.
Referendum
Referendum ta sigui tuma luga keto bay. Recientemente a
tuma un referendum pa un departamento di Hyatt hotel den
cual e sindicato FTA a participa y nan a haya e confiansa di
mayoria di e trahadonan pa representa nan.

Mirando cu FTA a pidi referendum pa tres departamento di
Hyatt hotel, tin otro referendum pendiente cu lo tuma luga
dia 26 di october, y eventualmente e di tres referendum lo
tuma luga un of dos siman despues.
Tin un peticion mas cu a drenta pero te ainda departamento
di mediador di gobierno ta pendiente pa caba di atende cu e
procedura legal cu un referendum ta exigi. Den transcurso di
siman nan lo duna mas informacion ariba dje.