Page 13 - ATA

Diahuebs Aruba ta ricibi su di 700 mil

pasahero crusero

Posted on 12/6/2017 6:44 pm AST | Updated on 12/6/2017 6:45 pm AST

ORANJESTAD – Continuando cu e esfuersonan cu Oficina di Turismo Aruba (A.T.A.)
ta haciendo pa fomenta e industria di turismo crusero, e siman aki ta bay celebra un
momento grandi cu yegada di e prome 700 mil pasahero di barco crusero cu ta bishita nos
destinacion. Mientras cu ta hopi satisfecho cu e resultado aki, A.T.A. tin su mira riba
resultadonan ainda mas grandi den futuro.

Estadistica cu A.T.A. ta dispone di dje, ta indica cu pa fin di 2017, e entrada for di sector
crucero lo alcansa 85.5 miyon Dollar, cual ta representa un aumento di 21% compara cu
2016. Ta premira cu Aruba lo keda conoce desaroyonan alentador manera esaki, mientras
cu A.T.A. ta sigui traha di cerca cu tur socio den e gremio. Ta fomentando un bon
relacion cu tour operators y comerciantenan di e area, ademas di otro entidadnan publico
y priva.

Avion di Pawa pega 2 dia na Haiti cu

pasaheronan Hulandes

Posted on 12/7/2017 10:27 am AST | Updated on 12/7/2017 10:28 am AST

PORT AU PRINCE – Un avion di PAWA Dominicana Airlines, efectuando buelo pa
Winair, y cu cantidad di pasahero ‘hulandes’ ta pega na Haiti for di diamars ultimo.
Autoridad di Haiti a ground e avion debi na pagonan atrasa di Pawa di gasoline. Den
un declaracion di Winair riba nan website, nan ta admiti cu nan a haya nan mes mei mei
di un situacion cu nan no tin parti di dje, pero cu a haya nan mes involucra toch. Nan
mester a cancela nan buelo di diamars, y ta purbando di resolve e asunto. Te cu awe
mainta, ainda e caso no ta resolvi. A pidi despensa pa e inconveniencia y a atende cu e
pasaheronan di e miho forma posibel. A compronde cu ta trata di e.o. personal di
gobierno Hulandes staciona na e.o. Bonaire, cu no ta bula InselAir debi na e prohibicion
cu tin ainda. Como tal nan mester bula cu otro aerolineanan. Pero awor ta resulta cu hasta
e ‘alternativa’ tin problema.