Page 9 - ATA

Diabierna 8 December 2017 HENDE
A22

Pareha Van y Zodavina Bingham ta e di 700 mil

bishitante crucero di nos isla

ORANJESTAD - Ayera
tardi (dia 7 di december)
a yega e crucero Carnival
Vista cu e prome 700 mil
bishitante den historia di
turismo crucero di nos
isla. Presente pa e oca-
sion aki tabata Minister di
Turismo, Dangui Oduber,
CEO di ATA, Ronella Tjin
Asjoe-Croes, Director
di Aruba Ports Author-
ity, Jossy Figaroa, y demas
invitadonan. E evento a
tuma luga riba tereno di
waf crucero na Playa. E
turistanan honra como e
di 700 mil bishitante cru-
cero, ta Van y Zodavina
Bingham. Esaki segun e
relato cu nos a ricibi di
ATA.

Nan a keda gratamente sor-
prendi pa tur e atencion, es-
pectaculo y emocion rond di
e ceremonia cu a inclui mu-
sica, baile y sabor tipico di
nos isla, e relato ta sigui bisa.
Como regalo nan a ricibi un
estadia completamente paga
pa asina nan bolbe Aruba.
Ademas, nan a ricibi un tour
di nos isla y un plakkaat con-
memorativo di ta e di 700 mil
pasahero crucero di Aruba.
Titular di Turismo a hiba pa-
labra felicitando tur esunnan
responsabel pa e logro aki y
mencionando con Aruba ta
yegando otro aña, na su di 60
aniversario di turismo cru-
cero cu un industria cu ta so-
lido y ademas tin perspectiva
pa mas crecemento.