Page 7 - 09Aug2022

DIAMARS 9 AUGUSTUS 2022 DIARIO PAGINA 7
Minister Geoffrey Wever:
Reduccion di prijs di gasolin y

diesel lo tin un impacto directo

riba inflacion y poder di compra

ORANJEST AD
(AAN): Minister
Geoffrey Wever a
expresa dialuna mainta
durante un conferencia
di prensa cu el a firma
e ministeriele regeling
cu ta bay haci aplicabel
cu entrante 10 di
Augustus, e prijs di
gasolin y diesel lo baha
substancialmente.
El a agrega cu
gobierno ta contento
pa wak cu e prijsnan
internacional a cuminsa
stabilisa y cu por ripara
un bahada directo na
Aruba tambe. Esaki
ta bay tin un impacto
directo riba inflacion
y e poder di compra
di cada ciudadano na
Aruba.
E mandatario a
agrega cu gobierno ta contento di mira esaki pasobra sa cu e
peso ta hopi grandi y no tin espacio mas pa absorba aumento
di costo di bida. Prijs di gasolin y diesel ta algo cu ta forma un
parti esencial di e patron di consumo di cada ciudadano. Esey
ta nifica cu e bahada aki, inmediatamente cada ciudadano lo
bay wak e efecto positivo den su cartera, a enfatisa.
Finalmente, el a expresa cu ta spera cu e tendencia
aki continua. E ahuste aki ta pa e proximo 4 simannan. A mira
un aumento drastico durante basta luna tras di otro. Pesey ta
contento di mira cu aworaki tin un reduccion den e prijs aki,
pendiente di e desaroyonan internacional riba e topico aki.

Un ciudadano ehemplar

haciendo area di beach limpi

ORANJESTAD (AAN): Ta hopi tristo pa mira cuanto ma-
terial desechable ta keda atras benta banda di e beachnan,
despues cu un of mas persona cu no tin amor pa Aruba, ta
bay sinta goza, bebe y come y despues ta lanta bay, laga e
lugar sushi.
Riba e potret nos por mira un ciudadano di bon curazon,
kende sigur merece un medaya pa acto di humanidad cu
el a desplega. Debi cu e persona aki, kende no tin nada di
haber cu e sushi cu ta worde laga atras, riba su mes ta bay
na e beach, y voluntariamente ta trece su mesun saco di
plastic y ta recohe e sushi.
Kizas ta bon pa agrega, cu esaki ta mustra su hermandad
y amor pa cu e Isla di Aruba y cu esaki ta mustra bon cla, cu
por pone e presonan no-peligroso, haci trabao di limpiesa,
pa a lo menos gana nan pan di cada dia.