Page 31 - MIN VOS 1 MAART 2016

A base di reunion di atardi, ABV lo bay dicidi ki pasonan lo
tuma pa loke ta e situacion cu SABA

Monday, 29 February 2016 21:18
Comparti

Pa saca full un afdeling pa bay renoba, na unda cu tin 20 habitante cu 23 trahado y ta bay plama tanto e
trahado como e habitantenan, y pa renobacion, Gina Maduro, presidente di ABV a splica.

Siendo cu ABV y trahadonan a busca un solucion caminda cu na San Nicolas tin full un afdeling cera,
unda cu por ubica henter e personal hunto cu e habitantenan un, dos of tres aña te ora cu nan caba di
renoba Reseda Afdeling y ta bin bek, manera nan a haci den henter renobacion di SABA. Pero si tin otro
plan, tin cu papia cla y bisa kico ta bay pasa cu Reseda. Si nan ta asina cla y transparente, y bis en berdad
kico ta bay ta futuro di e afdeling aki, cu nan lo bin cu dagopname, of whatever, splica e sindicato y e
trahadonan, cu si papia transparente, lo tin comprension, pero na e manera aki. Ya caba nan a parti e
trahadonan caba y per 1 di April ya tur hende mester bay diferente localidad. ABV a manda un carta
diahuebs ultimo cu un ultimatum, pa bin cu un opcion pa laga e afdeling completo bay San Nicolas, unda
cu nan tin un afdeling full cera y e contesta ey ABV ta wardando. Tambe Maduro ta spera cu por sinta
mas pronto posibel cu Raad van Toezicht di SABA. A yega tempo cu Sindicato kier sinta cu e conseho di
supervision, pasobra ya caba pa e sindicato, nan ta haya cu ta falta di respet, pa e sindicato y trahadonan,
cu tin añanan largo a carga SAba den bon y den malo y esey no ta forma pa bay om cu trahado. E
trahadonan ta hopi disgusta. Eyden no por duna opinion pasobra si bo ta un trahado y bo ta duna bo
opinion, bo ta haya warning. Pa delaster un cos ta duna warning. Si bo ta mondig bo ta wordo gestraft. Si
bo ta meld ziek bo ta wordo cambia di un afdeling pa otro. Esey ta un sistema masha dictatorial y e
trahadonan ta disgusta. SABA a laga sa cu nan no tin placa pa renoba Reseda, e luga lo bay keda cera,
pero si kier baha presion di trabao cu tin pasobra no tin luga pa tur trahado y si concentra nan un solo
caminda e no lo yuda e problema cu tin. Segun Gina Maduro, los di e afdeling Reseda, ta keda cu un gap
di 37 trahado. Unda cu bo hinca nan, e 37 luganan ey ta keda pisa. Con pa ubica nan, ta keda un otro
situacion. SABA mester ta transparente pa bisa en berdad kico ta bay pasa. No ta solamente trahadonan,
pero e habitantenan tambe. Atardi 6’or, lo tabata tin un reunion cu famianan pa bay wak na unda nan
por plama e habitantenan den e diferente localidadnan. No ta solamente trahado, pero full un afdeling ta
kita for di otro. Esey tambe tin su consecuencianan emocional. Tanto trahado como habitante, ta mescos
cu un famia. Pa hopi tempo nan ta hunto y awo ta bay cambia full un situacion. E ta bay tin
consecuencianan masha grandi mes, hasta pa e trahado, pasobra ta afecta su bida completo.

http://www.24ora.com/local-mainmenu-5/105833-a-base-di-reunion-di-atardi-abv-lo-bay-dicidi-ki-
pasonan-lo-tuma-pa-loke-ta-e-situacion-cu-saba