Page 33 - MIN VOS 1 MAART 2016

Gina Maduro di ABV Directiva di SABA no tin comunicacion
cu sindicato

Monday, 29 February 2016 21:28
Comparti

Gina Maduro ta presidente di sindicato ABV di empleadonan di hospital como tambe trahadonan di
casnan di cuido di anciano, entre nan San Pedro Paviljoen y ta comenta riba un situacion cu ta andando
eynan. El a splica cu na e afdeling cu yama Reseda di San Pedro, for di siman pasa diamars, trahadonan a
wordo notifica door di e situacion di e departamento, e situacion no ta mucho agradabel.

E afdeling mes ta di basta aña unda cu renobacion tin cu tuma luga. Diamars e trahadonan a haya
notificacion cu SABA tin cu cera e departamento y lo verspreid e empleadonan den otro tres
ubicacionnan. Diaranson merdia, sindicato ABV tabata tin un encuentro cu e bestuur di SABA y na unda
cu e director, sr. Remo Kock tambe a notifica sindicato cu lo tin cu bay haci esaki y eynan ABV a haci su
preguntanan. Despues ABV a wordo bisa cu no tin otro opcion pasobra e departamento no ta den un
situacion adecuado, nan tin problema cu e vacaturanan. Tin 37 vacatura cu tin cu wordo yena, y nan kier
bin cu rulacion. Ta berdad cu e departamento no ta den un bon estado, pero no ta den un estado cu no ta
bay cay den 24 ora. E luga tin mas cu 20 aña asina y ta hopi tempo caba e mester a wordo renoba. E
forma con e bestuur ta trata e caso aki, eynan ABV tin problema cune. No a notifica sindicato, pone na
altura kico ta pasando. No tin comunicacion. Ta solamente tin mededeling. No ta scucha opinion di
trahadonan tampoco, dus el a wordo tuma y esey ta beleid di nan. Nan a dicidi esey y nan lo tin cu plama
e trahadonan di diferente localidad, unda cu nan falta vacatura. Nan mes ta contradeci nan mes, Gina
Maduro a splica.

Den reseda tin 37 vacatura caba. Con ta bay tapa cierto buraconan. Unda cu tapa, lo bay keda habri.
Como director di SABA mester a zorg pa tapa e 37 vacaturanan caba. Tin un mal contento enorme den
SABA, den sentido con ta trata e clase trahado. Tin un abuso laboral ta tumando luga. E sistema
dictatorial con nan ta trata e trahadonan. En bes como bon dunado di trabao, mester zorg prome pa e
trahado. Maduro tin lista di trahadonan cu ta wardando na promocion, ahustacion di salario. Por
imagina mayoria di e trahadonan cu a haci curso, a subi di nivel 2 pa 3, pero te dia di awe nan si tin cu
eherce trabao di nivel 3, nan tin cu entrega trabao di nivel 3, pero ainda ta wordo paga pa nivel 2. Esey ta
un frustracion grandi pa un trahado cu for di 2002 ta pending pa un bevordering, ta pending di
rechtrekking di nan schalering y di nan posicion. Esey ta e prioridad, segun Maduro. Prome cu cuminsa
cu e afdeling, wak prome pa e trahadornan. Esey ta un frustracion grandisimo. Por imagina cu ainda bo
no a wordo paga, bo ta traha y bo no ta wordo paga manera mester ta. Esey ta un di e problemanan. E
forma, door di e 37 vacaturanan cu falta, logicamente bo ta onderstaffed. Eynan un trahado tin cu
produci pa 3 hende. Pesey e ziekmelding ta halto.

http://www.24ora.com/local-mainmenu-5/105837-gina-maduro-di-abv-directiva-di-saba-no-tin-
comunicacion-cu-sindicato