Page 34 - MIN VOS 1 MAART 2016

Gina Maduro di ABV Mester gara e toro na su cacho y bin cu
mihor ziekte melding procedure

Monday, 29 February 2016 21:26
Tweet
Comparti

Gina Maduro presidente di sindicato ABV a comenta con nan ta procede cu ziekmelding na SABA. Si bo
ta traha na Playa y bo ta un trahado cu tin un frecuente ziekteverzuim, kico ta haci, entrante otro siman,
bo tin cu bay traha na San Nicolas. Si bo ta na San Nicolas, bo ta bay traha na Savaneta. Esey ta e modus
operandi, en bes di coy e toro na su cacho.

Zorg pa bo yena bo vacaturanan y wak pa bin cu un miho ziekmelding procedure. Papia cu e trahado,
kico ta su problema. E problema ta conoci, segun Maduro, door cu cada un tin cu traha pa tres hende.
Pesey dado momento un hende ta cansa. Eynan ta e problema y tambe, ta haya cu directiva di SABA no
ta transparente. Den wandelhangen ta tende diferente cos, cu e afdeling Reseda, ta bay cere, pa bin cu
dagopname, pasobra cada Stichting tin cu genera placa. Otro momento ta wordo bisa cu e oficina na San
Nicolas ta bin pabao, pasobra bestuur si ta zorg pa nan traha cerca di nan cas. Tin diferente punto cu
ABV no tin aclareacion en berdad kico ta bay pasa cu afdeling Reseda. Bestuur di SABA mester ta
transparente y bisa e berdad, kico ta bay pasa cu e afdeling Reseda, Maduro a splica.

http://www.24ora.com/local-mainmenu-5/105836-gina-maduro-di-abv-mester-gara-e-toro-na-su-
cacho-y-bin-cu-mihor-ziekte-melding-procedure