Page 32 - MIN VOS 1 MAART 2016

ABV ta bay pidi reunion cu Hunta di Supervision di SABA pa
atende e situacion di San Pedro

Monday, 29 February 2016 21:22
Comparti

E cambionan cu kier trece na San Pedro Paviljoen cu ta cay bou di SABA, segun e presidente di ABV Gina
Maduro, Si ta traha na Playa, bo yiu ta bay scol na Playa y awo tin cu bay te San Nicolas. Nan no ta tene
cuenta cu e localidad cu e hendenan ta traha. Si bo a bin Playa door cu bo ta wordo gestraft pa
ziekmelding, bo no ta bay San Nicolas bek, bo ta keda Playa of bo ta bay Savaneta.

Esey ta e manera di traha. ABV ta cuestiona esey y e situacion aki no ta na bienestar ni di SABA, ni di e
trahado y ni di e habitantenan. A keda di haya contesta y for di eynan tin cu bay wak kico ta e siguiente
pasonan. Loke si ta e situacion cu ABV ta haya tambe, cu no tin ni e placa, no tin nada, pero kier cera un
afdeling di biaha si y plama tur hende, pero e departamento ey lo bay keda cera, te pa ki tempo, pasobra
no tin placa. Tin opname door di e fenomeno di personal. Pesey tin full un hala cera. Nan mester e
vacaturanan pa yena pa sigui atende e pashentnan. Tin un vergrijzing grandi na Aruba y e peticion ta
haltisimo. Esey tambe ta pisa hopi riba comunidad mes, cu tin un vergrijzing enorme, pero e trahadonan
tambe. Esey ta e parti caminda cu e prioridad como dunado di trabao mester a percura pa hopi tempo e
trahadonan aki haya nan promocion, drecha nan salario. Awor aki esey ta e situacion cu e trahadonan ta
hopi disgusta di e forma con ta bay om cu nan. No tin ningun zeggingschap, nan no tin comunicacion cu
sindicato y nan ta djis deel mee. Como sindicato no tin ningun inbreng den nada y ta haya cu esey ta un
falta di respet pa sindicato y tambe pa e trahado. No por bisa cu lo bay tin un protesta. A base di e
contesta di e reunion di atardi, lo wak ki pasonan ABV lo bay tuma. Maduro a sigui splica cu SABA tin
den nan plannan cu entrante 1 di April e departamento lo wordo desolvi y lo wordo reparti den diferente
localidad. Depende di e contesta di e reunion lo dicidi kico lo bay pasa. Tambe por a mira den prensa kico
e director a bisa, pero sindicato ta warda e carta oficial caminda e ta dirigi na nan pa asina sigui cu e
pasonan. Un cos si, Maduro a remarca, nan ta bay pidi un reunion cu Raad van Toezicht.

http://www.24ora.com/local-mainmenu-5/105835-abv-ta-bay-pidi-reunion-cu-hunta-di-supervision-di-
saba-pa-atende-e-situacion-di-san-pedro