Page 32 - AAA 23 OCT 2015

AWEMainta Diabierna, 23 Oktober 2015 15

pasahero a participa na un excursion/tour.
Resultadonan di e estudio ta mustra cu e bishitantenan
tabata hopi satisfecho cu nan bishita na Aruba y e
calidad di e tournan cu a wordo ofreci; nan ta haya cu e
residentenan di Aruba ta hopi cariñoso y e empleadonan
di diferente compania cu nan a trata cune ta hopi cordial.
“Shopping” na Aruba tambe a haya un bon score.

Loke ATA ta poniendo extra atencion na dje t’e scorenan
di dos punto cu nan lo kier wak aumenta, esta si e
pasahero ta sinti gana di bolbe pa un bishita como turista
stayover y si nan lo recomenda Aruba na un amigo.
Loke si a reduci un poco t’e suma cu miembronan di e
tripulacion ta gasta na Aruba, pero esaki ta un trend
structural den otro destinacionnan den Caribe tambe,
mirando cu den Caribe esaki a baha cu 30%.

ATA lo sigui traha riba programanan cu ta duna realse
n’e experiencia total di e bishitante y lo influencia tambe
cuanto e turista ta gasta ora cu e ta na Aruba; y lo adresa
puntonan di atencion manera indica den e investigacion,
Ronella Tjin Asjoe-Croes a conclui bisando.

Cu Cruise Symposium Aruba, Aruba Tourism Authority
ta busca pa maximalisa e resultadonan combina di
esfuersonan di tur entidad cu ta beneficia di turismo
crucero di un forma of otro. E ta un oportunidad special
pa duna un “update” completo di kico a tuma lugar,
kico ta tumando lugar, esfuersonan, y proyeccionnan
pa futuro.