Page 55 - AHATA

Coronavirus a afecta China y ta un peliger grandi pa Merca y asina pa Aruba. Ora ta
papia di e desaroyo di un recesion, ta papia di un proceso cu ta pone cu un pais ta
lastra otro den un situacion dificil.

DIARIO pa por informa Aruba debidamente a bay analisa cifranan di e forma cu
coronavirus lo afecta Merca y a topa cu un tsunami financiero cu por forma na China pa
afecta economia di Merca directamente y asina Aruba indirectamente.

Di cuanto placa nos ta papia? Un compania Mericano strea, conoci pa e forma cu e ta
sirbi cofi na Aruba, na 2003 tabata tin 100 negoshi na China. Awor na China e mes
negoshi Mericano, cu ta atrae tur dia hopi Arubiano y turista na Aruba, tin 4300 punto
di benta na China.

Pues na momento cu e compania internacional aki mester conoce un caida, e ta causa
un caida economico pa Merca tambe y esaki na su turno por afecta Aruba y henter
mundo.

No mester lubida cu economia tin comercio como su base y comercio ta nifica relacion
entre cumprado y bendedo, circulacion di placa. Ora e placa no por circula mas, tin un
problema importante.

Un compania internacional cu base na Merca, tin un bentaha di 310 Miyon den China,
cu ta dicidi pa benta di un cantidad di compania Mericano cu na nan turno ta dicidi pa
Aruba tambe.

Companianan masha conoci na Aruba, ta den suspenso internacional grandi.
Empresanan cu ta parti di cadena internacional y cu ta estableci na Aruba tambe,
mester a cera portanan di negoshinan na China sin ningun preparacion y sin ningun

informacion cuanto tempo e problema actual lo continua.

DIARIO tin e deber di informa Aruba riba tur tereno pa e pueblo ta prepara pa
confronta temponan dificil cu ta afecta e fuente mundial di placa, di entrada di

companianan y paisnan di cual Aruba tambe ta depende.

https://www.diario.aw/2020/02/shock-chines-coronavirus-ta-tsunami-comercial-pa-merca/