Page 58 - AHATA

Maduro a referi na 17 punto cu nan kier ilustra y hinca den un ‘timeframe’ pa wak
con e situacion a bin ta tuma lugar te cu e sentencia cu a cay dia 20 di Januari ultimo.

Dia 22 di Juni 2017, director di Douane, Ricky Croes, a manda un proposicion na e

minister di e tempo ey, Minister Bermudez, pa asina nombra Sr. Pablo den un rango di
inspector siendo cu e ta na altura cu Sr. Pablo no tin un diploma academico cual ta un
di e rekisitonan pa por wordo nombra den e rango di inspector di ‘Invoerrechten en
Accijnzen’.

Minister Bermudez, dia 27 di Juni 2017 a manda e proposicion aki di director pa DRH pa
nan toets esaki y duna un advies. Omaira Lares, directora di DRH, na augustus 2017 ta
informa SADA di e propuesta di e director.

A puntre su opinion y el a bisa cu Sr. Pablo no por haya e nombramento aki pasobra e
ta carece di e opleiding academico cual ta un di e rekisitonan pa por bin na remarca pa
e rango di inspector di Aduana.

E resto di 2017 y henter 2018 no a tende nada mas di e tema aki. SADA a kere cu esaki
tabata algo di pasado. Pero na Februari 2019, un aña y mey mas o menos despues, a
bin tende cu e landsbesluit di e nombramento aki a sali.

A puntra Lares di DRH riba e nombramento aki y el a indica cu e no sa di esaki, cu e lo
bay haci un investigacion pa wak kico por a bay robez pakico a pasa e LB contra su mes
ponencianan.

Pa SADA tabata un sorpresa ora cu Lares a bin cu e ta bay laga hala aden e LB aki
pasobra e ta ilegal. Tin documentonan cu a cay den nan postbus cu ta mustra cu señora
Lares a bisa cu no tabata sa di esaki, a resulta cu e proposicion di señora Lares a sali

dia 13 di April 2018. Kiermen e directora di DRH mes a firma e proposicion pa Conseho
di Minister pa asina nombra señor Pablo den e rango di inspector.

SADA ta considera esaki un falta di integridad ya cu tur cos a pasa tras di cortina. E ta

keda un ministerio con por ta cu e cosnan aki por a pasa, Edward Maduro a expresa.