Page 57 - AHATA

Nombramento di inspector a pasa tras di cortina y hasta mal informa
Ministerraad

ORANJESTAD (AAN): Sindicato di Douane,
SADA, a convoca un conferencia di prensa diamars mainta pa asina un biaha mas trece
dilanti algun punto cu mester di atencion.

Edward Maduro a duna di conoce cu ya caba na dos ocasion, aña pasa y algun siman
atras, a elabora riba e tema aki.

A indica cu lo bay yama un rueda di prensa un bez cu e sentencia den e caso di nan

colega Pablo, den e caso cu a cuminza contra pais Aruba pa locual ta trata un
nombramento, cu den nan opinion ta un nombramento cu no ta legal.

Maduro a laga sa cu pesey nan kier pone tur cos ariba mesa, pa demostra y mustra cu

no solamente tabata tin cosnan cu no a bay corecto di parti di director di Douane, pero
cosnan cu no a bay mucho bon tampoco den e parti unda cu e director di Departamento
di Recursonan Humano (DRH) tambe ta su mes culpabel pa actonan cu SADA ta
categorisa cu no ta integro.

E sindicalista a agrega cu di parti di gobierno, tanto Prome Minister como Minister di
Finanzas, no ta mustrando interes of atencion manera cu Cuerpo di Aduana ta desea di
haya.

A mustra cu Sr. Pablo den e sentencia a gana su caso. Esaki ta un caso cu a wordo
basa ariba mentiranan di director Croes a presenta como ‘voordracht’ na 2017, a
agrega.