Page 59 - AHATA

Lares ta e persona cu pa colmo ta un di esnan cu tin cu bay dirigi e Bureau di
Integridad di Gobierno y ta haya e tipo di atrocidadnan aki ta tuma lugar den un
aparato gubenamental, Maduro a bisa.

Desde 11 di Juni 2018, e Landsbesluit pa nombra Sr. Pablo como Inspector a pasa
Ministerraad, pasa Gobernador contra tur regla y contra tur integridad.

Te hasta Minister Presidente a bisa na Maart cu lo inicia un investigacion pa locual ta

trata e nombramento aki. El a indica cu e no ta acepta y no ta aproba e acto aki.

Mas leu, Maduro a señala cu ora cu Sra. Lares y e director di Douane a ripara cu SADA
a haya sa e berdad, diripiente Lares ta manda informa Minister di Finanzas pa hala

aden e nombramento.

“Kiermen, señora Lares a firma un voordracht pa haci señor Pablo inspecteur na 2018,
april y apenas un aña despues e ta manda un otro voordracht na minister pa treck in

dicho Landsbesluit cu e mes a duna aprobacion pa pasa”.

Den e voordracht e ta indica cu señor Pablo den bezit di e opleiding akinan. Kiermen, el
a mal informa Conseho di Minister cu Sr. Pablo tin dicho opleiding, locual ta un mentira,

Edward Maduro a remarca.

https://www.diario.aw/2020/02/sindicato-sada-ta-cuestiona-falta-di-integridad-di-directora-di-
departamento-di-recurso-humano/