Page 20 - ATA

12 AWEMainta Dialuna, 22 Februari 2016

Minister
Otmar Oduber
ta confirma cu
turismo ta den
crisis!

Lo haci uzo di fondo di reserva pa
mercadeo

“FOR DI algun aña caba nos ta hibando un discusion

cu Minister di Turismo riba e calidad di turistanan
cu ta biniendo Aruba y tambe e cantidad di placa cu
turistanan ta lagando atras.
Na momento cu nos tabata cuestiona Otmar Oduber
esaki tabata bira masha onsportief y masha arogante y
tabata ignora e criticanan. Nos mester recorda Otmar
Oduber cu nos trabou ta pa vigila y controla Gobierno
y duna sugerencianan caminda por pa por engrandece
nos turismo”, segun Dangui Oduber.

“Esey no ta kita afo cu nos tarea y obligacion ta pa
informa nos pueblo corectamente sin tin cu manipula
cu informacionan. No ta for di awo, pero for di 2 aña
pasa caba nos a bin ta informando nos pueblo riba e
trend nobo den nos turismo.
E trend nobo aki ta cu turistanan cu ta biniendo Aruba
no ta kedando na hotelnan mas sino mas bien na “other
accomodations”. No solamente esaki ta un trend sino
e turistanan Venezolano cu a aumenta na un forma
explosivo nunca por a wordo considera como turista.
Nos a atende cu e fenemomeno aki durante tratamento
di Presupuesto 2015 y na luga cu Otmar Oduber a tuma
esaki na serio y busca solucionnan na e momnento ey,
a bay sinta hunga wega sushi politico manera ta su
custumber.
El a bay bisa cu mi lo ta insultando Venezolanonan, el a
pidi te hasta pa mi pidi un disculpa na e Venezolanonan
pa e supuesto insultonan. Awe e propio Minister
Otmar Oduber ta bin reconoce e fenomeno nobo aki y
ta admiti cu tin probleman den nos turismo”, Dangui
Oduber ta bisa.

“Pa 8 luna consecutivo grado di ocupacion di hotelnan
ta cayendo. Pa 8 luna consecutivo REV PAR ta bin ta
cayendo. Mas cu 400.000 turista cu a bishita nos pais
aña pasa NO a hospeda na hotelnan sino na “other
accomodations”.
Di e 400.000 turista aki 276,000 turista Venezolano
NO a keda na hotel. E 276,000 turista Venezolanonan
aki NO por wordo cualifica como turista, pero mas
bien como turistnan cu a bin Aruba pa saca dollars y