Page 10 - ATA
P. 10
Diamars, 28 November 2017 AWEMainta 21
Aruba Marriott & The Ritz-Carlton, Aruba a
Sostene Careda di Mucha “Splash & Dash”
DEN conexion cu Challenge Aruba 2017, un careda di
mucha “Splash & Dash” a wordo organisa recientemente y
sosteni dor di Aruba Marriott y The Ritz-Carlton, Aruba.
Aruba Marriott y The Ritz-Carlton, Aruba tabata hon-
ra pa por promove bienestar saludable y movecion entre
muchanan di 7 y 14 aña pa medio di sostene e careda di
mucha aki.
E evento a tuma lugar un bunita diasabra mainta riba e
beach entre e dos hotelnan.
E muchanan a yega sumamemente contento pa por par-
ticipa na e careda, cual a inclui coremento y landramento.
E muchanan a caba e careda cu un smile grandi, felis y or-
guyoso di nan mes pa e logro aki.
Tur participante a ricibi un medaya di participacion, como
tambe dry-fit shirts y un cahita di desayuno pa disfruta
despues di e evento.
Sosteniendo e careda aki, ta alinea cu Marriott Interna-
tional su core value pa sirbi nos comunidad di cual un en-
foque grandi ta riba vitalidad di nos muchanan den nos
comunidad.
Aruba Marriott y The Ritz-Carlton, Aruba ta sumamente
satisfecho di a haya e oportunidad pa apoya e evento aki y
asina hasi un impacto positivo den e comunidad di Aruba.
