Page 24 - 24.5x35cm Citgo bini

"Si e no ta sigur, nos no lo hacie"
CITGO: Un compania cu un fundeshi cu balornan solido
E balornan di un compania ta loke ta stuur y duna direccion na e decisionnan den e
compania; e balornan ta determina e trato di e staf y personal, di persona pa persona, den e
compania. CITGO ta un multinational cu un fundeshi cu balornan solido y bon defini.
E balornan aki ta reparti den diferente topico, esta siguridad, salud y medioambiente;
integridad; respet; imparcialidad; responsabilidad social; disponibilidad; y competetividad.
Ta resalta, den nan balornan, sigur pa Aruba como un isla cu ta busca pa sigui baha su
"carbon footprint", miho proteccion di medioambiente y uzo di alternativanan pa genera
energia, e determinacion di CITGO pa cu nan responsabilidad pa medioambiente.
Balornan di CITGO:
Siguridad, salud y medioambiente
"Nos ta opera nos negoshi sigur y como bon administradornan di medioambiente. Si e no ta
sigur, nos no lo hacie. Nos lo cumpli cu regulacionnan pa cu medioambiente y ta sirbi como
protectornan di nos recursonan natural y di medioambiente. Nos ta reconoce cu siguridad, e
salud di nos empleadonan y maneho di medio ambiente ta e responsabilidad di cada
empleado."
Integridad
"Nos ta honesto y transparente cu otro, nos clientenan y nos stakeholdernan. Nos ta
reconoce cu integridad den tur loke nos ta haci ta esencial pa nos exito di plazo largo."
Respet
"Nos ta compronde e balor di e ser humano den nos exito corporativo. P'esey, nos ta confia,
respeta y balora e opinion di tur empleado, cliente y stakeholder. Esaki ta critico pa
"teamwork" y esfuersonan di colaboracion. Nos lo traha como un ekipo, sin problema y
cruzando liñanan entre e departamentonan pa logra nos obhetivonan corporativo.
Imparcialidad
"Nos ta recompensa empleadonan basa riba nan desenbolbimento y contribucion na e
negoshi. Nos ta reconoce diversidad como un punto fuerte clave. Nos ta reconoce e balor
unico di cada empleado y e variedad di perspectiva cu e ta provee. Nos ta fomenta un
ambiente inclusivo cu ta haci posibel pa cada un di nos participa y contribui plenamente."
Responsabilidad Social
"Nos ta compronde cu e ta un privilegio pa nos opera den e comunidadnan unda nos ta
activo, e no ta un derecho. Nos ta promove y participa den un variedad amplio di
programanan di responsabilidad social pa mehora e calidad di bida di e ser humano,
particularmente esunnan cu ta sinti e reaccion severo di pobresa. Nos tambe ta promove e
spirito di trabao boluntario y ta encurasha nos empleadonan pa asumi rolnan activo den nos
comunidadnan."
Disponibilidad
"Nos lo sigura e disponibilidad di nos operacionnan, sigurando e procesonan di trabao y cu
e ekiponan semper ta cla y capacita pa haci nan trabao asigna. Ta solamente pa medio di ta
disponibel cu nos por sigui sigura e siguridad y salud di nos empleadonan y nos bisiñanan, e
proteccion di nos recursonan natural, e abastecimento confiabel di producto pa nos
clientenan y nos compromiso pa cu responsabilidad social."
Competitividad