Page 26 - 24.5x35cm Citgo bini

Bonbini na CITGO, estableci na 1910
CITGO ta un compania di refina y mercadea productonan basa riba petroleo manera combustibel pa
transporacion, lubricante, productonan petrokimico y otro productonan industrial. Ademas, CITGO
ta doño di centenares di pompnan di gasolin rond Merca. Su cede principal ta ubica na Houston,
Texas.
CITGO a wordo funda como Cities Service Company na aña 1910 pa Henry L. Doherty, un pionero
den e industria petrolero. E compania a bira un storia di exito Mericano.
Na momento cu e compania a dicidi di cambia nan "brand" di mercadeo, nan a introduci e nomber
CITGO na 1965. Nan a mantene e prome parti di e nomber, esta "CIT" (di Cities), y a agrega "GO" pa
indica forsa, energia y progresividad.
Occidental Petroleum a cumpra Cities Service na 1982, y CITGO a keda incorpora como un compania
subsidiario di refineria, mercadeo y transportacion e aña siguiente. Na augustus di aña 1983,
Occidental a bende CITGO na The Southland Corporation pa sigura abastecimento di gasolin pa
Southland su cadena di tiendanan 7-Eleven.
Tres aña despues, na luna di september 1986, Southland a bende 50% di su interesnan den CITGO na
Petroleos de Venezuela, S.A. (PDVSA). Na januari 1990 PDVSA a cumpra e otro mita di CITGO y a bira
100% doño di CITGO, cual ta resorta awendia como un subsidiario di PDVSA bao di e nomber CITGO
Holding, Inc.
CITGO tin cu PDVSA un abastecimento sigura y amplio di crudo, y e compania a crece y bira un di e
companianan mas fuerte riba tereno di energia.
For di aña 1985, CITGO a bende varios producto pa medio di companianan independiente, y nan
relacion cu e companianan individual aki ta loke ta haci CITGO diferente di otro companianan di
petroleo.

END