Page 28 - 24.5x35cm Citgo bini

CITGO ta opera refinerianan na Corpus Christi, Lake Charles, Lemont y Seroe Colorado
Cu e contract di lease firma cu Aruba, CITGO ta agrega un di cuater planta na su segmento di
refinamento di crudo. E otro tres refinerianan ta ubica na Corpus Christi, Texas; Lake
Charles, Louisiana; y Lemont, Illinois.
Actualmente, sin inclui e empleadonan cu lo keda agrega na Aruba, CITGO ta brinda empleo
directo na casi 3.500 persona na Merca na su refinerianan. Mas di 33 mil persona ta traha
na e mas of menos 5.500 pompnan di gasolin cu ta ubica den 29 estado na Merca y Districto
di Columbia.
E impacto financiero di e refinerianan den nan comunidadnan ta enorme. E refineria di Lake
Charles tin mas di 1.800 empleado, y su impacto riba e economia di e comunidad ta surpasa
597 miyon dollar Mericano; na Corpus Christie tin mas di 1.050 empleado y e contribucion
ta mas di 345 miyon dollar Mericano. E refineria na Lemont tin mas di 1.050 empleado, y ta
contribui cu mas di 300 miyon dollar Mericano na e economia. E cantidad di empleadonan
ta inclui e contratistanan.
E refineria na Seroe Colorado lo ofrece empleo na 3.000 persona, directamente y pa medio
di diferente contratista. E produccion, ora cu e refineria keda re-activa denter di 18 pa 24
luna, ta di 209 mil bari pa dia.
E red di CITGO ta enorme. Cada aña mas di 10 biyon galon di combustibel ta wordo
transporta den nan rednan di terminalnan y di tuberia.
CITGO ta traha mas di 80 producto, incluyendo gasolin, diesel, y jet fuel pa avion, como
tambe lubricantenan cu ta wordo bendi na Merca y mas di 60 otro pais rond mundo.

END