Page 29 - AM250116

Diahuebs, 16 Januari 2025 AWEMainta COMUNIDAD 29

HCLF kier scucha di bo:

Yuda forma parti di e siguiente podcast pa hoben

DESPUES di 4 aña, Heart-Centered Leadership
Foundation (HCLF) ta trece bek su podcast di
hoben pa hoben “VOX: voice of youth making an
impact”

HCLF ta kere den e balor di brinda hobennan un
plataforma unda nan por uza nan bos pa inspira

y crea un impacto. Un di e maneranan cu HCLF
ta traha riba esaki ta cu su podcast pa hoben.
Na final di 2019, HCLF a lansa e podcast VOX
cu meta pa amplia e bos di hoben y stimula nan

participacion den temanan cu ta importante.

E aña aki HCLF ta trece e podcast bek cu un
concepto nobo y ta en busca di hobennan cu lo

kier forma parti di e podcast: sea dilanti camara
of patras. Pa hobennan, esaki ta un oportun-
idad pa desaroya diferente habilidad, entre otro
engrandece nan confiansa pa expresa nan mes

of uza nan talento of pasion pa traha cu camara,
zonido y filmacion di e podcast.

HCLF ta den su fase di preparacion y ta haci

un invitacion pa hobennan cu ta interesa den
forma parti di e podcast pa un sesion tipo “think
tank”. Durante e sesion aki, nan lo por conoce
e concepto di e podcast di cerca, comparti nan

ideanan riba e topiconan di e temporada nobo,
y siña con por forma parti di e produccion di e
podcast VOX. Hobennan y hobennan adulto di 13
pa 30 aña por participa den e sesion ‘think tank’.

E sesion ‘think tank’i ta tuma luga diabierna, 24
di januari 2025 na Teresita Center, di 10:00 am
pa 12:30 pm. Participacion ta completamente

gratis. Hobennan cu ta interesa di forma parti
di e sesion por registra door di manda HCLF
un whatsapp na +297 5841211 of via HCLF su
website www.hclfaruba.org/our-events