Page 7 - bon-dia-aruba-20230503

a7
salud Diaranson 3 Mei 2023
Estudio ta mustra cu asfalt vegetal por reduci emision for di construccion

di caminda

(NLTimes)—Ta posibel
pa reduci e emision di
substancia dañino du-
rante e construccion di
caminda pa 30-60% ora
incorpora substancianan
vegetal den e mixto di as-
falt, segun cientificonan
di Universidad di Wa-
geningen a conclui. Esaki
por reemplasa substan-
cia combustibel fossiel,
cual ta origina for di e
carpachinan di animal y
planta prehistorico. E uzo
di e substancianan aki ta
contribui negativamente
na cambio di clima.

Un di e substancianan den
asfalt ta bitumen, cual ta un
componente di petroleo cu
ta uza pa pega piedra na otro.
Investigadonan a analisa e
posibilidad di reemplasa bi-
tumen cu ligning. Esaki ta un
substancia cu por haya den
algun palo di mata y planta-
nan.

Si reemplasa mita di e bitu-
men den asfalt cu ligning,
esaki por preveni e emision
di 85 pa 170 miyon kilogram
di dioxido di carbon y otro
substancia pa mita di siglo
na Hulanda so. Si reemplasa
bitumen completamente cu
ligning, esaki por corta emis-
ion pa dobel di e cantidad
menciona prome.

Mundialmente, ligning den
asfalt por reduci emisionnan
dañino pa 102 kilogram pa
aña. “E desaroyo aki ta bay
haci un contribucion grandi
pa asina yega na e metanan
Europeo y Global di clima,”
investigadonan a declara.

Algun aña pasa, a basha bio-
asfalt riba caminda na Sas van
Gent, Zeeland. Na e tempo
ey a reemplasa mita di e bitu-
men cu ligning. E prome ca-
mindanan di prueba sin bitu-
men mester ta construi e aña
aki of e proximo aña.