Page 10 - Awe Mainta 18 Feb 2022

10|Diabierna, 18 di Februari 2022

Dianan di cuarentena ta wordo manteni ainda

Sharlin Koolman, Directora di Departamento di Malesa-
nan Contagioso, tabata otro funcionario cu a compaña Prome
Minister Evelyn Wever- Croes den e conferencia di prensa pa
anuncia eliminacion di tur medida relaciona cu Covid.

E tambe tabata mes cauteloso cu Prome Minister consehando
ciudadanonan pa sigur sigui mantene algun medida pa nan
mes, e.o. di hygiene.

Tambe el a bisa cu mirando cu ainda tin casonan di Covid, e
parti di cuarentena ta algo cu lo keda pa siguridad.

Tur persona cu ta biba cu un persona cu tin Covid mester bay
den cuarentena pa cinco dia, cu excepcion di esnan cu den
e ultimo tres lunanan, a caba di recupera di Covid y perso-
nanan cu a ricibi un booster durante e ultimo shete dianan
desde cu e tabatin contacto cu e persona.

Pues si bo tabatin contacto cu e persona ayera, y awe el a
sali positivo, bo ta conta desde ayera e shete dianan, e ultimo
contacto cu bo tabatin. Si bo a haya e vacuna mas cu shete
dia prome cu e contagio ey, anto e ora bo no mester bay den
cuarentena mas.

Y tambe ta conta pa mucha y hobennan di 1 te cu 17 aña. Si
desaroya sintoma durante e ultimo cinco dianan, anto bo ta
contact bo dokter di cas, preferiblemente yama prome y no
presenta ainda, y palabra cu dokter si bo mester test y ki dia
bo ta bay test.

Esaki ta algo cu por haci via e website di Covid cu ainda ta
accesibel. Den e website por wak na unda e persona por pidi
pa haci su test. Eynan e persona ta haya un code cu e ta hin-
ca den su Aruba Health app, anto basa riba esey ta haci un
afspraak y por bay haci su test, si e tin mester.

Si bo no tin sintoma despues di cinco dia, bo por stop e cua-
rentena ,pero mantene e uzo di tapaboca pa cinco dia mas.
Principalmente ora tin contacto mas estrecho cu hende, en-
tre otro cu hendenan den cas cu no tin sintoma. Y na trabao
mantene e mondkapje bisti mas tanto posibel.

Ta recomendabel tambe pa haci un self test cu ta bende den
boticanan, pero corda cu esaki no ta wordo cubri pa AZV.
Pues, si bo tabatin contacto cu un persona den cas, cu tabata
positivo y despues di cinco dia bo no tin sintoma ainda, y bo
ta bay traha bek of bay bek den bo bida diario, ta recomenda
pa haci e test aki.
Tambe cu el a bisa cu si e test sali dudoso of positivo, e ta re-
comenda pa acerca dokter di cas cu e informacion aki y haci
un test pa confirma esaki.
Otro contactonan no mester bay den cuarentena, pero ta
consehabel pa mantene e dies dianan. Si un persona cu ta
traha cu bo, a sali positivo pa Covid-19 y bo tabatin contacto
estrecho cu ne, ta consehabel pa mantene mas tanto posi-
bel bo tapaboca, durante e oranan di trabao, y/of ora bo tin
contacto cu mas hende pa evita pa por haya casonan cu sali
atrobe, y cu bo ta stroba full e proceso cu nos ta bezig cune
aworaki, Sharlin Koolman a bisa.