Page 12 - Awe Mainta 18 Feb 2022

12|Diabierna, 18 di Februari 2022

Mandy Villasmil a forma parti di delegacion Caribese

Hulandes cu a topa cu Secretario di Estado Alexandra

van Huffelen prome cu el a biaha pa Aruba

E siman cu a pasa, Secretario di Estado
pa Relacionnan di Reino Hulandes, sra.
Alexandra van Huffelen, a invita un gru-
po selecta di hobennan di Caribe Hulan-
des biba na Hulanda pa topa na cede di
Ministerio di Interior y Asunto di Reino
na Den Haag.

Meta di e invitacion tabata pa combersa
y siña conoce e islanan den Caribe, in-
cluyendo Aruba, for di punto di bista di
esnan cu conoce, a nace den Caribe y
ta bibando n’e momentonan aki na Hu-
landa sea permanentemente of pa entre
otro nan estudio profesional.

Mandy Villasmil, cu ta finalisando su es-
tudio como dokter tabata un di e invi-
tadonan di sra. van Huffelen, hunto cu
entre otro Jandino Asporaat (Corsou),
Tanja Fraai (Corsou) y Lisandro Suriel
(St. Maarten).

E encuentro tabata uno informal y a
combersa extenso riba Aruba y e otro is-
lanan den Caribe. A combersa tocante e
retonan cu e islanan den Reino Hulandes
ta pasando aden. Di su banda Mandy
a duna sra. van Huffelen un splicacion
amplio di Aruba, Aruba su cualidadnan,
su hendenan y tambe e esfuersonan cu
e isla a haci den, entre otro, sostenibili-
dad energetico.

Otro topiconan cu a papia di nan ta re-

tonan manera ‘brain-drain’ y tambe e falta di profesionalnan
medico na Aruba. Banda di esey cada representante di nan
respectivo isla a haya un chens pa combersa despues infor-
malmente cu otro y cu e Secretario di Estado. Sra. van Huffe-
len tabata masha contento di por a haya un introduccion di e
islanan for di punto di bista di e hobennan prome cu e bula
direccion p’e islanan e siman aki.

Mandy Villasmil, cu ta participando den maart n’e eleccion-
nan pa Gemeenteraad na Den Haag, a splica cu e ta haya,
“tremendo cu un Secretario di Estado ta saca tempo di su
agenda sumamente druk pa por papia cu nos p’asina e por
haya un mihor bista di e islanan y nan peculiaridadnan.

Mi ta spera cu nos input a duna sra. van Huffelen suficiente
informacion p’e por duna, ente otro, Aruba e cooperacion y
sosten cu tin mester den e temponan dificil aki.”

Mandy Villasmil ta participa n’e eleccionnan na Den Haag
como candidato #8 riba lista di CDA maart proximo.