Page 7 - Awe Mainta 18 Feb 2022
P. 7
Diabierna, 18 di Februari 2022|7
Adicto gara tratando di horta den auto:
“Mi no sa kiko a drenta mi cabes awe”
Diahuebs merdia den careda di
12’or, un adicto a wordo gara ta purba
horta den un pick up.
Tabata den careda di merdia cu riba un
parkeerplaats den Columbusstraat Polis
a wordo pidi, debi cu nan tin un persona
wanta.
E homber aki cu ta un adicto ambulante
lo a ser gara, mientras e tabata trata na
horta den un auto.
Na yegada di Polis, nan a topa cu algun
personal di GNC cu ya tabatin e homber
den boei. Polis a papia cu doño di e auto
y si ta bon lo a tuma su datonan.
E doño a bisa e adicto: “Bo no mester
haci e cosnan aki cu nan no ta bon y p’e
busca un trabou”.
E adicto na su turno: “Mi tin trabou, mi
ta laba auto y cuida e autonan riba par-
keerplaats di Music Box”. “Pero awe mi
no sa kico a drenta mi cabes”, tabata
su ultimo palabranan. Transportwagen a
yega y a hibe pa Warda di Polis.
