Page 11 - Awe Mainta 18 Feb 2022

Diabierna, 18 di Februari 2022|11

Pa februari a proyecta menos bishitante inicialmente

Prome Minister Evelyn Wever Croes tabata compaña pa
Chief Executive Officer di Aruba Tourism Authority na mo-
mento di anuncia cu ta elimina tur medida y ta laga pa cada
ken cuida nan mes y famia di e mihor forma.

Ronella Croes di su banda a duna un relato con e situacion
den mundo di turismo a cambia despues di cierre y apertura
di frontera di Aruba. Principalmente e ultimo ola di Covid cu
a causa cu dado momento e cantidad di contagionan a sur-
pasa 5 mil, tabatin su efecto riba turismo. Esaki a cuminsa net
na final di aña, ora cu normalmente t’e mihor temporada pa
Aruba.

E datonan cu Ronella Croes a presenta tabata di luna di janua-
ri ultimo, y esaki ta mustra cu un total di mas cu 59 mil bishi-
tante a yega Aruba. Si haci un comparacion di loke a spera,
basa riba e desaroyo cu tabatin andando prome cu e di cinco
ola, esaki tabata 42% menos.

“Esaki a bin pa motibonan ya menciona, incluyendo Omikron
y cu CDC na Merca a pone Aruba na nivel di riesgo 4.” E re-
sultado aki ta duna Aruba otro reto. E cifra ariba menciona ta
mustra cu Aruba a recupera 63% di locual a ricibi na januari,
2019, cu t’e aña prome cu e pandemia.

Aruba ta sigui tres mercado hopi di cerca y di esakinan a duna
informacion den e conferencia di prensa. E tabata contento di
por bisa cu e mercadonan aki ta dunando bon resultado. Por
ehempel, Merca, compara cu e cifranan di januari, 2019, a
recupera un 70% caba. E mercado Hulandes a recupera un
98% si haci e mesun comparacion. E di tres mercado impor-
tante t’esun di Colombia cu a recupera cu un total di 65%.

El a sigui bisa cu e impacto di Omikron y e caida cu a mira na
januari, a haci cu ATA a sigui ahusta su proyeccionnan tambe
p’e prome kwartaal di e aña aki. Esaki por mira ilustra den
scenarionan conservativo.

Pues cosnan cu ATA tin caba basicamente formula, interna-
mente. Pero nos a dicidi di aplica e escenario conservativo p’e
lunanan di februari y maart. E ta nifica cu ATA tabatin pro-
yecta cu Aruba lo ricibi den luna di februari 89 mil bishitante,
pero a cambia e proyeccion aki awor pa 62 mil.

A base di e cambionan cu nos mes ta haci como Aruba, pues
pensa aki riba e diferente cambionan na maneho di entrada,
nos ta mirando impacto positivo di e flexibilizacionnan aki. A
base di nan analisis, nan ta kere cu por surpasa e cantidad di
62 mil bishitante, na luna di februari.

“Esey ta netamente, locual nos ta pushando pe, te den grado
cu por, pasobra e cambionan ta hopi reciente. E impacto ki-
sas, di algun siman, bo no ta bay mire di e manera cu nos ta
desea di mire”, el a bisa.

Aunke a baha e proyeccion toch ATA ta kere cu lo bay ricibi
mas cu 62 mil bishitante. Loke sigur lo no bay logra ta e pro-
yeccion inicial di 89 mil bishitante. “E lo ta mas cu e luna di
januari y e tendencia lo sigui den e siguiente luna.”