Page 1 - AM211101

www.awemainta.com WWW.Facebook.com/awemainta
A promove Chris Lake como
Director General di ASTEC
Despues cu e conocido Raymond Buckley a fungi como
Director temporario na ASTEC, siman pasa Hunta di
Supervision a anuncia cu a yam’e danki pa su trabou, di
maneha y revisa e organisacion formalmente y cu awor
ta cla pa nombra un Director nobo. Cu masha orguyo a
anuncia cu a promove Christopher Lake for di ‘Financial
Controller’ pa Director General di e compania.
Market Leader of Business Software in the Caribbean
Tel. 583-7072 | info@vcc-int.com |
noticia@awemainta.com 583 1400 Dialuna, 01 November 2021
Chris Lake a gradua na Universidad di Aruba cu un
“Bachelor’s Degree” den ‘Accounting and Finance’ y a
cuminsa traha na ASTEC desde aña 2011 como ’Financial
Analyst’.
Durante e añanan cu a sigui, el a haya mas responsabilidad,
manera p.e. como Supervisor y despues Manager di e
departamentonan “Administration, Human Resources &
Information Technology” y a cuminsa administra e fondo
di pensioen di empleadonan desde 2014.
For di 7 aña pasa e ta fungi tambe como Director adhunto
di e compania y ta asumi responsabilidad na momento cu
e Director ta ausente.
Chris Lake no a keda cu su mannan cruza tampoco y a opta
pa sigui studia, mientras cu e ta traha. Asina el a logra
su “Post Bachelor’s in Controlling curriculum’ aña pasa
for di Nyenrode Business University den cooperacion cu
Universidad di Aruba.
Separa di ta un trahador dedica, Chris Lake ta masha
activo den comunidad y ta kere firmemente den duna bek.
Asina e t’e Tesorero di Fundacion Parlamento Hubenil y ta Hoofd Commissaris di
Asociacion Scouting Aruba.
ASTEC N.V. ta existi for di september 1983 y ta conta cu no menos di 80 empleado
bon entrena pa ofrece e mihor servicio posibel na tur barco di carga cu mara na
nos waf. Anualmente ta descarga entre 300 pa 400 barco di carga. ASTEC N.V.
ta partner cu Aruba Ports Authority (APA NV) den construccion, financiamento,
operacion y mantencion di e terminal nobo di waf di carga situa na Barcadera.
Solutions for:
Finance
Wholesale Distribution
Professional Services Supports All Your
HRM, CRM and BPM Business Activities & Processes!
www.vcc-int.com