Page 7 - AM211101

Dialuna, 01 November 2021 AWEMainta.com 7
Chauffeur bou influencia di un of otro substancia

kier a bandona sitio despues di accidente

Diasabra madruga un homber na stuur di un Hyundai Santa Fe
a kibra un cura di cas na Brasil. Habitantenan a wordo spanta
diasabra madruga, momento cu a scucha un zonido fuerte. A sali
mira y a ripara un auto grandi hinca den nan cura di cas altura di e
baño.
Nan tabata gritando e p’e keda para, pero e chauffeur cueste loque
cueste tabata kier a huy. Esaki no a sosode debi cu e auto a keda
pega riba e rand di bloki abou.
Dado momento un persona di edad lo a pasa tras di e auto unda cu e
homber a pone e auto den reverse y tabata bezig ta reverse e motor
p’e bay, si esaki a sosode lo tabata fatal p’e ciudadano.

Dos patruya a yega e adres cu tabata Brazil 3, den algun minuut
unda cu nan ta haya e chauffeur ainda ta purba huy. Polisnan a
actua mesora y ta habri e auto y wante e chauffeur y sake for di
auto.
Despues cu e bahe for di auto e chauffeur sin t-shirt tabata
completamente soda. E homber tabata transpira asina hopi cu e
den e auto tur cos tabata muha di sodo.
E homber muy probablemente tabata bou di influencia di un of otro
substancia cu a pone actua asina.
Locual a pasa ta cu panort di e cas aki tin un caya, y kizas e homber
a yega bira na su man robes keriendo cu e drenta e caya, pero esaki
no tabata e caso.
Polisnan a pone den boei y a warda pa transportwagen di San
Nicolas yega y hibe warda. Un bon trabou di Polisnan di San Nicolas
cu a yega hopi liher evitando un desgracia mayor.