Page 11 - AM211101

Dialuna, 01 November 2021 AWEMainta.com 11
Dama chauffeur a perde control cu su auto, ranca

un pal’i lus y a termina den mondi cu su auto

Diabierna nochi riba e caminda di Sero Pita pa
Piedra Plat, na altura di Mandingo Snack a sosode
un accidente cu hopi daño material y un dama

chauffeur a keda levemente herida.
Un dama chauffeur den su Ford Edge, pa un of otro
motibo a perde control cu su auto, baha caminda,
dal contra un pal’i lus y a ranca esaki completamente

y despues a drenta mondi.

E wayanan di coriente a keda benta rond di e auto.
E chauffeur no por a baha mesora for di e auto pa

motibo cu e auto tabata hinca den mondi y no tabata
sigur si ainda tabatin coriente riba e wayanan benta
rond di e auto.
Un Polis cu tabata serca a topa cu e accidente aki y

lo a pidi pa Elmar bin prome pa controla e wayanan
si ainda tin coriente ribanan. Brandweer tambe a
presenta n’e sitio pa yuda saca e dama.
Ambulance a presenta n’e sitio, e dama mes a cana

subi den e ambulance pa haci un control medico.